Emyazi Minja ya Yesu
Mw’ezila video z’enkulikirane zisimisize bwenene, wamenya binene oku bilolere Yesu Kristu, oli Mugala wa Mungu na Muchunguzi w’abantu boshi.
Epizode ya 1: Omwangaza g’Okuli gwe Gulu
Gurhe abantu bakayokwerwe kurhenga omu chaha charhengereraga ku Adamu? Masiya yenyine ye bulangalire bw’abantu.
Epizode ya 2: “Oyula Ali Mugala Wani”
Yowane Mubatiza amarheganyiza Masiya enjira. Olole ebintu bisimisize bwenene biyerekene omurhondero gw’akasi k’amahubiri ma Yesu hanola oku gulu!
Epizode ya 3: “Nyono Nye Yewe”
Yesu amayerekana akasi kage yewe nka Masiya ku Nikodemu, omukazi w’Omusamariya, n’abantu b’omu Nazareti, aliko bantu bageke bonyine bagwerhe emirhima minja bamamuyemera. Enyuma y’okujira echisomerene chahindamula akalamo kabo, amahamagala abashana berhohye bamukulikire.
Epizode ya 4: “Echola che Charhumaga Nayinja”
Yesu amayerekana obuhashe bwage omu kufumya abantu n’okufukuza abazimu. Aliko baguma bamapinga akasi kage n’okujira enjama y’okumuyirha. Kugerera ebijiro by’akababaro kanene n’okuyigiriza n’oburhwali, Yesu amajira abanafunzi n’okuchishoga ntumwa 12.
Epizode ya 5: “Basomerwa Bwenene n’Okuntu Aliri Ayigiriza”
Enyuma y’okufumya bantu banene, Yesu amarhondera kuyigiriza abantu omu njira nta windi mwalimu osaga kujirako. Oburhwali bwage, emifano yage, n’okukula esomo oku bintu baba bakoomere kwamabasomeza.
Epizode ya 6: “Woyo we Walikwanene Kuyinja Si?”
Yesu amayerekana obuhashe bwage omu kufuula omuntu. Ebisomerene n’enyigirizo zage zili m’obwengehe bunene byamashunika abonviriza bage bamuyunvirize bwinja-bwinja. Omu kukolesa emifano, Yesu ali afasiriya gurhe Obwami bwa Mungu buba.
