Di Gud Nyuuz Akaardn tu Jiizos
Iina demya byuutiful set a vidyo, yu gwain laan muo bout Jiizos Krais. Him da Gad Son ahn di wan weh kom tu di ort fi siev piipl.
Paat 1: Di Chruu Lait a di Worl
How piipl gwain get siev fram Adam sin? Di Mesaya iz di onli huop fi piipl get siev.
Paat 2: “Dis Da Mai Son”
Jan di Baptis pripier di wie fi di Mesaya. Si di wandaful tingz weh hapm wen Jiizos staat priich pahn di ort!
Paat 3: “Da Siem Wan Da Mii”
Jiizos tel Nikodimos, wahn Samaritan uman, ahn di piipl-dem fram Nazaret dat him woz di Mesaya, bot onli likl bit a piipl wid a sinsier haat aksep ihm. Afta som fishaman si wahn mirakl weh chienj dehn laif, Jiizos invait dem hombl man fi fala ihm.
Paat 4: “Dat iz Wat Ah Kom Fa”
Jiizos shuo ihn powa fi kyuor piipl ahn tek’ out diimonz. Bot som wikid piipl neva laik it ahn plan fi kil ihm. Jiizos mek disaiplz ahn chuuz ihn 12 apasl chruu ihn wandaful wie a tiichin ahn griet kompashan.
Paat 5: “Dehn Stie Uova Sopraiz Bout di Wie How Ihn Tiich Dem”
Afta ihn kyuor wahn paila piipl, Jiizos staat tiich dem iina wahn wie weh non a di rilijos tiicha-dem neva tiich dem bifuor. Dehn stie uova sopraiz bikaaz ihn taak wid atariti, ihn yuuz parablz ahn ihn tiich dem som lesn fi dehn dieli laif.
Paat 6: “Yuu Da di Wan Weh Wi De Wiet Fa?”
Jiizos shuo seh ihn gat di powa fi riez bak op ded piipl. Ihn mirakl-dem ahn di tingz weh ihn tiich shuo wat piipl gat iina dehn haat. Chruu parablz, Jiizos eksplien tingz bout Gad Kingdom.
