Mahungu a manene mayelano ni Jesu
Gonda to tala ngu Jesu, mwanana wa Txizimu ni M’hanyisi wa vathu votshe ka mlongoloko wa mavhidhiyo yawa o tsakisa.
Vhidhiyo 1: Liwoningo la ditshuri la ditiko
I mani awu a no hulukisa vathu ka txionho atxi va nga tshapeliswa ngu Adhamu? Mesiya ngene a no hulikisa votshe vathu.
Vhidhiyo 2: “Awuwa i Mwanana wangu”
Johani M’bhabhatisi e lulamisela nzila para Mesiya. Wona simahakalo so xamatisa asi si nga kombisa makhato a mthumo wa Jesu hamafuni!
Vhidhiyo 3: “Ni ene”
Jesu a ti zivisile ka Nikodhemo, ka wamsikati wa Msamariya ni ka vahanyi va Nazareta ti to i ti ene Mesiya, kambe vadotho va nga kholwa kwakwe. Msana kova a di mahile txidiwukiso txo xamalisa, ene a rambile vavamna va ti veka hahatshi ti to ve va valondeteli vakwe.
Vhidhiyo 4: “Ani ni tete toneto”
Jesu a kombisile mtamo wakwe ngu kuhanyisa vathu ni kuhinga madhimoni. Kambe vamwani va ti m’wukela ni kulava tipulani to m’daya. Jesu a kombisile mpfela wusiwana ni kugondisa vathu. A mahile vagondiswa e tshumela e sawula 12 wa vapostoli.
Vhidhiyo 5: “Txitshungu txi to xamala txi txi kayee, ngu kupfa magondiselo akwe”
Msana kova Jesu a di hanyisile txitshungu txa hombe, a to khata ku txi gondisa ngu nzila yo xamatisa ngutu yo awalo mgondisi a nga ti khala kugondisa ngu nzila yile. Wulawuli wakwe ni nzila yi a nga ti txhamusela ngu yona sidinganiso ngu nzila yo hehuka, yi xamatisile txitshungu txile.
Vhidhiyo 6: “Ina ngawe hi nga thembiswa?”
Jesu a kombisa mtamo wakwe ngu kuwusa vakufa. Sidiwukiso si Jesu a nga si maha ni nzila yi a nga txi gondisa ngu yona si kombisile ati ti ngadi timbiluni ka vaengiseli vakwe. Ngu kuthumisa sidinganiso Jesu a txhamusete timhaka mayelano ni Mfumo wa Txizimu.
