Xitoriya Ni Ntirho Wa Yesu
Ka mavhidiyo lawa djondza swinyingi hi Yesu Kreste, N’wana wa Xikwembu ni Muponisi wa vanhu.
Xiyenge 1: Ku Vonakala Ka Ntiyiso Ku Ta Voningela Misava
Vanhu va ta ponisiwa ndjhani ka xidjoho xa Adamu? Mesiya hi yena ntsena ntshembo wa ku tiya.
Xiyenge 2: “Lweyi I N’wana Wa Mina”
Yohani mutsakamisi a lunghiselela ndlela ya Mesiya. Vona swilo swa ku hlamalisa leswi nga yendleka nkama Yesu a nga sungula ntirho wa yena lani misaveni!
Xiyenge 3: “Hi Mina”
Yesu a byela Nikodema, wansati wa Musamariya, ni vanhu va Nazareta leswi Mesiya a nga ta swi yendla, kambe ku ve vanhu vatsongo lava nga ni timbilu tatinene va nga mu yamukela. Loko se a yendle singita leli nga txintxa wutomi la vanhu, a rhambe vaphasi va tihlampfi lava a va tiveka hansi swaku va mu landzela.
Xiyenge 4: “Hi Leswo Ni NgaTela Swona”
Yesu a kombisa matimba ya yena ya ku hanyisa lava va vabyaka ni ku hlongola madimoni. Van’wani va mu kaneta va tlhela va yendla maplanu ya ku mu dlaya. Yesu a kombisa ntwelawusiwana, a djondzisa hi ndlela ya ku hlamalisa, a yendla vadjondzisiwa a tlhela a langa 12 wa vapostolo.
Xiyenge 5: “Va Hlamala Madjondzisela Ya Yena”
Loko se a hanyise xitshungu, Yesu a sungula ku djondzisa vanhu va vanyingi hi ndlela leyi vadjondzi va vona a va nga se tshama va va djondzisa hi yona. Matimba ya yena, swikombiso leswi a nga swi tirhisa ni ndlela leyi a swi tirha hi yona ka wutomi la vona swi yendla vanhu va hlamala ngopfu.
Xiyenge 6: “Hi Wena Lweyi A Taka?”
Yesu a kombisa matimba ya yena ya ku pfuxa lava nga fa. Masingita ni ndlela ya wutlharhi leyi a djondzisaka hi yona, swi kombisa leswi lava mu yingiselaka va nga tshamisa xiswona hikakunene. Hi ku tirhisa swifaniso, Yesu a djondzisa hi ta Mfumu wa Xikwembu.
