Iiḅi Iinhaghạn Phọ Odaphạn Zizọs
Tuughạ abughẹ ilọ aZizọs Kraist, Oọny phọ Enhaạn, r’Opeliạ phọ omhạr awe siẹn iikiạ asikoọl avidio phọ ophọn phọ.
Ẹkpigh 1: Ọkar Ạḍiḅaal Aḅirinhi Phọ
Kọpel ika ọmhar awe kụ ọsighe esi ịkaraph phọ Ạdạm ạkom bọ? A Mesạyạ phọ kụ oginha oḍuomolhoghi dị ọmhar awe ọmhoogh.
Ẹkpigh 2: “Ọphon Kụ Ọony Phọ Ạmi”
Ạ Jọn Oḍiinyeom Mụum mọ aakolobianhaan eten a Mesạyạ phọ. Mịin ịikia ạraraar phọ emite bọ mem mọ a Jizọs amhiigh bọ rukumuan phọ ọdi sịen ade phọ!
Ẹkpigh 3: ‘Mị Kụ Ọdi Phọ’
A Jizọs ạkaaph ịlo oḍighi phọ ọdi ịdipho a Mesạyạ phọ ạḅenhi a Nikodimọs, ạnhir ọlo ạ Sạmeria, r’awe ẹmha ạ Nạzạrẹt, kụolo ịyal ikpo awe dị ọmhoogh iiḅi arokpom bịn kụ umeeraam nyọdi. Ọdi roḍighi ịiḍaany dị etir sighuḍum awe, kụ ạmhagh bụkoniom ạkoni dị osooromhi loor mọdaph nyịno.
Ẹkpigh 4: “Mị Ụtuan Ịduon Phọ Kụ Aru Bọ”
A Jizọs aḍeenhaan ni ịikpo phọ ọdi ạmhoogh bọ ookonhom awe r’ophorogh ịkaraph aruwaloor. Kụolo abuniin ughel li oḍighi phọ ọdi ọḅilhe oḅian oghiigh ọdi. Ghạlhamo r’ịduon phọ, loor esi ọnma ighirigiir phọ ọdi ạmhoogh bọ r’ịma eten ịtughemhi phọ ọdi, a Jizọs ạmhoogh ni bụmatuan ạḅilhe ạma 12 abutelhedom mọ.
Ẹkpigh 5: “Eten Ịtughemhi Phọ Ọdi Iḍighi Ni Iikia”
A Jizọs rookonhom ḍita phọ, kụ amhiigh ọtughemhi ạbidi eten dị ạbutughemia phọ ạbidi k’ekulha kọ́tughemhi ghan. Ịikpo phọ ọdi, ạraghaaph ọmaaniom mọ ọdi r’ịpe ọdi rạkaaph bọ eten dị awe phọ kotue ni ọsighe oḍighinhom ghan tọrobo aḍio iḍighi ni iikia esi ạbidi.
Ẹkpigh 6: “Nạ Kụ Ọpo Ratu Bọ Ni?”
A Jizọs aḍeenhaan mọ ọdi ạmoogh ni ịikpo oḅerion ạbuphe momhuughu bọ. Iiḍighi ịiḍaany r’ịtughemhi phọ ọdi ịyegheron ni ịpe edi bọ rokpom ạbuphe rọnaghan bọ. A Jizọs ạsighe rạghaaph ọmaaniom ạghaaphom rạraar ịlo Ọmhar phọ aagholhomi.
