Odwokɔba Mɔɔ Ɩfalɩ Gyisɛsɩ Nwʋ
Suma sʋ̃maa falɩ Nyamɩnlɩ yɩ Ɣa nɩɩ adasamaa be Devʋlɔ, Gyisɛsɩ Kɩlayɩsɩ nwʋ wɔ vidiyo eyi mɔɔ ɩkɛɣa ɩkɔdʋwadʋwa zʋlɔ nɩ nu.
Odwokɔba Mɔɔ Ɩfalɩ Gyisɛsɩ Nwʋ—Vidiyo Y’anyunumiyɩlɛ
Kila Odwokɔba Mɔɔ Ɩfalɩ Gyisɛsɩ Nwʋ Vidiyo yi mɔɔ bɛma ɩzɛlɩ nnɛ nu dɩyɛ nɩ.
Vidiyo 1: Oyuwadɩ Yɩ Hanyɩɩ Ankasa Nɩ
Kɛ ɩkɛyɛ na bɛale adasamaa wɔ tanɩ mɔɔ Adamɩ ɩva ɩɣalɩ bɔ zʋ nɩ a? Mɛzaya yɩ yɛ ɩdɩ adasamaa bɛ anyɩnlɩlazʋ ɔkʋ̃ pɛ a.
Vidiyo 2: “Eyi Yɛ Ɩdɩ Mɩ Ɣa a”
Dwɔɔnʋ Numavʋlɔ yɩ siyeziye ɔhʋanɩ nu ma Mɛzaya nɩ. Kila ndwokɔ be mɔɔ ɩkã ahʋnlɩnɩ mɔɔ izizili mmɩlɩ mɔ Gyisɛsɩ wɔlɩ yɩ zʋ̃mɩnlɛ egyima tʋ wɔ azɩlɛ yɩ zʋ nɩ!
Vidiyo 3: “Mamɩ Yɛ Lɛ Mɛzaya Nɩ”
Gyisɛsɩ manlɩ Nikodemɔsʋ, Samaliyianii baalɛ yɩ, nɩɩ mmenii mɔɔ bɛda Nazɩlɛtɩ twonwa yi nu nɩ nwʋnlɩ egyima mɔɔ ibali kɛɛ Mɛzaya nɩ, naasʋ̃ ahʋnlɩnɩbamaa ɛgyɩkɩ̃ɩ̃ bela yɛ beleli yi belili a. Mmɩlɩ mɔ ɩyɛlɩ nnwʋánlɩdɩyɛ mɔɔ ɩkã ahʋnlɩnɩ mɛda nɩ, ɩdʋlɩ salɛ ɩvʋlɔlɩ mfalɩmaa be mɔɔ bɛkã bɔ nwʋ azɩ nɩ kɛɛ bɛɣɩla beli yɩ mɛda.
Vidiyo 4: “Eyi Ti Mɔɔ Mɩɣalɩ a”
Gyisɛsɩ lalɩ yi tumi nɩ ali, na ɩzalɩ adimakɛlɛ na iduduli azunzuma evinli. Naasʋ̃ mbiyemmɔ dwodwuli diyialɩ yɩ, na bɔwɔlɩ pɔkɔ kɛɛ bokohũ yi. Gyisɛsɩ lalɩ kunlumiba ali na nɩ yi ehilehilelɛ nu la kɛ, iwieli nɩ, ɩbalɩ yɩ asʋ̃mavʋlɔ 12 yɩ.
Vidiyo 5: ‘Ɔhʋanɩ Mɔɔ Iluwalɩ Zʋ Ihilehileli Nɩ Yɛlɩ Bɛ Asibɔnwʋ’
Mmɩlɩ mɔ Gyisɛsɩ zalɩ ɔlɔmɩ nɩ adimakɛlɛ wieli nɩ, ɩwɔlɩ yɩ tʋ kɛɛ ikilehile bɛ wɔ ɔhʋanɩ be zʋ mɔɔ nɩ bɛ ehilehilelɛmaa nɩ po lékilehileli bɛ zɔ kyɩ̃. Yi tumi, yi ndianwʋ azʋlɔtʋ, nɩɩ kezimɔ nɩ ɩbɔ yɩ ɛbɩla nɩ yɛlɩ bɛ asibɔnwʋ.
Vidiyo 6: “Mɔwʋ Yɛ Lɛ Enii Mɔɔ Ɩbaa Nɩ a?”
Gyisɛsɩ lalɩ yɩ ali kɛɛ ɩwɔ tumi mɔɔ ɩkɔhʋla kɛva kodunwo awuvʋlɔ. Nnwʋánlɩ nninyeni mɔɔ ɩyɛlɩ nɩɩ yi ehilehilelɛ mɔɔ ɩtɔ azʋnlɩ nu nɩ manlɩ ɩnwʋnlɩ adwɩnɩ mɔɔ mmenii mɔɔ betiyee yi nɩ lɛ. Gyisɛsɩ luwalɩ ndianwʋ zʋ hilehileli Bulombunlililɛ yi nu.
Odwokɔba Mɔɔ Ɩfalɩ Gyisɛsɩ Nwʋ—Vidiyo Yi Abɔkɔ Abɔkɔ Zʋ
Kila vidiyo kɩnlɩma eyi mɔɔ ɩma Odwokɔba mɔɔ ɩfalɩ Gyisɛsɩ nwʋ nɩ sɛlɩ nnɛ nu dɩyɛ nɩ abɔkɔ abɔkɔ zʋ.
