(Wa x-albʼi 39:40)

Ja Jesús wa sjeʼayi ja Nicodemo, ja samaritana sok ja swinkil ja Nazaret, pe mini yibʼanaluke lek chʼak yabʼye. Ja sjejel it, ayiʼojan ja loʼilik nochani:

• Ja Jesús wa xcholoyabʼ ja Nicodemo jastal wa xpojki june ja bʼa jaʼi sok ja bʼa yip ja Dyos (Juan 3:1-13).

• Ja Yunin ja Winik tʼilan oj ajuk kʼeʼuk bʼa poste jastalni aji kʼeʼuk ja bʼitsʼbʼichan ja bʼa desierto (Juan 3:14, 15).

• Ja Dyosi mi sjekakon ja Yunin bʼa yeʼn oj skʼul jusgar ja luʼumkʼinali, sjekanikon bʼa jachuk oj staʼ skoltajel ja luʼumkʼinali (Juan 3:16-21).

• Ja jas tsaʼanxta yala ja Juan sbʼaja Jesús (Juan 3:22-30).

• Sjejel skʼuʼajel ja bʼa Uninal, bʼa ti jakel bʼa nalanchaʼan, wa stojolan sakʼanil bʼa tolabida (Juan 3:31-36).

• Ja Juan wa xlutji preso (Marcos 6:17-20; Mateo 4:12; 14:3-5; Lucas 3:19, 20).

• Ja Jesús yajtikxa wa xkʼot ja bʼa sposo ja Jacob bʼa Sicar, ja bʼa Samaria (Juan 4:1-6).

• Ja Jesús wa xkʼe loʼilanuk sok jun ixuk bʼa Samaria (Juan 4:7-15).

• Ja Jesús wa xcholoyabʼ ja ixuk bʼa Samaria sbʼaja meran stoyjel ja Dyos (Juan 4:16-24).

• Ja Jesús wa xyalayabʼ ja ixuk bʼa Samaria ke yeʼn ja Mesías (Juan 4:25, 26).

• Ja ixuk bʼa Samaria wa xcholoyabʼ ja tuki (Juan 4:27-30).

• Ja Jesús wa xya slaj jastal swaʼel ja skʼulajel ja jas wa skʼana ja Dyos; wa xyala sbʼaja stuljel ja sbʼaʼal ja alaji bʼa kechanta wa senyaʼan (Juan 4:31-38).

• Jitsan samaritanoʼik wa skʼuʼane ke ja Jesús «yeʼnani ja koltanum ja bʼa luʼumkʼinali» (Juan 4:39-42).

• Ja Jesús wa xkʼe xchol bʼa Galilea (Juan 4:43-45; Marcos 1:14, 15; Mateo 4:17; Lucas 4:14, 15).

• Ja Jesús wa xya tojbʼuk ja skerem jun yaʼtijum rey ja bʼa Caná bʼa Galilea (Juan 4:46-54).

• Ja Jesús mi lek x-ilji ja bʼa Nazaret (Lucas 4:16-30).

• Ja Jesús ti wa xwaj bʼa Capernaúm (Mateo 4:13-16).

• Ja milagro bʼa yajel el chayi; ja Jesús wa sloko ja bʼajtan nebʼumaniki (Lucas 5:1-11; Mateo 4:18-22; Marcos 1:16-20).