EBLA 23, 2024 | KAN HAAREFFAME: Guraandhala 7, 2025
RAASHIYAA

ODUU HAAREFFAME—OLʼIYYANNOO BOODA OBBOLOONI MANA HIDHAA GALANI | Yihowaa Tajaajiluu Dandaʼuu Isaatti ni Galateeffata

BANI

Guraandhala 4, 2025, Manni murtii olaanaa inni Rippaablika Udmuurtiyaanitti argamu olʼiyyannoo booda mortoo kanaan dura obboloota keenya Yeevgenii Isteefooniitefadiinii fi Aleeksaandar Vootyookoovitti dabarfamerratti jijjiirama taasiseera. Yeevgeniitti hidhaan waggaa jaʼaa fi Aleeksaandaritti immoo hidhaan waggaa jaʼaa fi jiʼa jaʼaa murtaaʼeera. Amma obbolooni mana murtiitii gara mana hidhaatti geeffamaniiru.

Onkoloolessa 25, 2024, Manni Murtii Koonyaa Piyervoomooskii magaalaa Iizyefiski inni Rippaablika Udmuurtiyaanitti argamu obboloota keenya Yeevgenii Isteefooniitefadiinii fi Aleeksaandar Vootyookoovitti murteesseera. Yeevgeniitti hidhaan daangaa waggaa jaʼaa fi Aleeksaandaritti immoo hidhaan daangaa waggaa jaʼaa fi jiʼa jaʼaa murtaaʼeera. Yeroo ammaatti garuu mana hidhaa hin galan.

Ibsa Gabaabaa

Yeevgenii Isteefooniitefadiin

Bara Dhalootaa: 1989 (Iizyiiviski)

Seenaa Jireenyaa: Kaampaanii gamoo gurguru keessa hojjeta

Yeevgeniin Dhugaa Baatuu Yihowaa taʼee guddate. Yeroo umuriin isaa waggaa kudhan taʼu akkoon isaa duʼan. Abdiin duʼaa kaʼuu caalaatti Yihowaatti akka dhihaatu isa kakaase. Bara 2006tti cuuphame

Bara 2011tti Maarinaa wajjin gaaʼela godhatan. Intala tokko godhataniiru

Yeevgeniin bara 2022tti dhukkuba kaansarii akka qabu beeke

Yaada Dhuunfaa

Yeroo ariʼatamni sirra gaʼetti ilaalcha sirrii qabaattee akka itti fuftu kan si gargaare maalidha?

Yeroon guyyaa guyyaatti eebbawwan hedduu argadhe irratti yaaduuf yeroo ramadu caalaatti gammachuun qabaadha. Kana malees Yihowaan ariʼatamni akka na irra gaʼu heyyamaa kan jiru taʼus, ariʼatama kanaaf kan itti gaafatamu isa akka hin taanen of yaadachiisa. Inni dhiheenyatti jalʼina haqaa tajaajiltoota isaa amanamoo taʼan irra gaʼaa jiru hundumaa ni dhabamsiisa. Akkasumas Yihowaa, obbolootaa fi obboleettota kootti maxxanuun baayʼee barbaachisaadha. Obboleettiin tokko yeroo tokko akkana naan jettee turte: “Seeqni kee baayʼee nama jajjabeessa. Haalawwan kana keessa utuu jirtuu ilaalcha gaarii qabaachuun kee amanannaa akkan qabaadhuu fi akkan hin sodaanne na gargaareera.” Miseensa maatii Yihowaa taʼuu kootti baayʼee boona.

Aleeksaandar Vootyookoov

Bara Dhalootaa: 1973 (Iizyefiskiitti)

Seenaa Jireenya: Hojii ijaarsaa irratti hojjeta

Bara 1995tti Liiliiyaa wajjin gaaʼela godhatan

Haati manaa isaa erga Dhugaa Baatuu Yihowaa taatee booda jijjiirama ishiin goote baayʼee isa dinqisiisee ture. Aleeksaandar bara 2006tti cuuphame

Yaada Dhuunfaa

Muuxannoo kana irraa barumsa guddaa akkamii argatte?

Yihowaatti amanamuun baayʼee barbaachisaa akka taʼee fi matumaa akka na gargaaru shakkuu akka hin qabne baradheera. Gara jiʼa jaʼaaf manaa akka hin baane dhorkamee waanan tureef hojii hojjechuu hin dandeenyen ture. Haati manaa koos yeroo kanatti baayʼee dhukkubsatti turte. Garuu hojii harka Yihowaa argeera. Obboloonnii fi obboleettonni nuuf yaadu; wanta nu barbaachisus nuu godhu. Firoonni keenya Dhugaa Baatota hin taane hangam kunuunsi akka nuuf godhamu yommuu argan baayʼee dinqisiifaman. Yihowaan akka na gargaare beekuun koo, tajaajilaa isaa taʼuu kootti caalaatti akkan boonu na taasiseera.

Akkuma Aleeksaandarii fi Yeevgenii bara jireenyaa keenya hundumaatti ‘sodaa malee tajaajila qulqulluu dhiheessinu’ dandaʼuu keenya akka mirga guddaatti ilaalla.—Luqaas 1:74, 75.

Chaartii Yeroo

Ebla 14, 2021

Humnoonni nageenyaa yommuu manni Yeevgenii sakattaʼamu hordofaniiru
Muddee 13, 2022

Aleeksaandarii fi Yeevgenii irratti himanni yakkaa ni baname
Muddee 14, 2022

Poolisoonni manneen lamaan isaanii sakattaʼan. Aleeksaandar mana hidhaa yeroodhaaf keessa tursiifamanitti geeffame. Yeevgeniinimmoo akka hin imalle dhorkame
Muddee 15, 2022

Aleeksaandar mana hidhaa yeroodhaaf keessa tursiifaman keessaa gadhiifamee manaa akka hin baane dhorkame
Waxabajjii 9, 2023

Aleeksaandar dhorkaan manaa akka hin baane isa irratti godhame kan isaaf kaʼe taʼus, akka hin imalle dhorkame
Hagayya 17, 2023

Himanni isaan irratti baname mana murtiitti ilaalamuu jalqabe

Kanneen Armaan Gadiis ni Jaallatta Taʼa

ODUU ADDUNYAA MARAA

Dhugaa Baatota Yihowaa Sababii Amantii Isaaniitiin Hidhaman—Biyya Biyyaan

Biyyoota Dhugaa Baatonni Yihowaa amantii isaanii waan geggeeffatanii fi mirga namummaa isaaniitti waan fayyadamaniif itti hidhaman.