Luuzoon

• Sadaasa 11, 2020, obomboleettiin Vaamkoo jedhamu (naannoo sanatti Uulysses jedhama) Paatnaanuungaan isa bulchiinsa Kuwiizoonitti argamu rukute, achiis naannoo Luuzoon hedduutti balaa geessise

• Obomboleettiin Vaamkoo, obomboleettiiwwan Filippiinsiin rukutanii fi lolaa cimaa geessisan keessaa 21⁠ffaa dha

• Obomboleettiin kun kan dhufe erga obomboleettiin Gooni dhufee booda dha. Gooniin obomboleettiiwwan ciccimoo 2013 booda Filippiinsitti gaʼan keessaa tokko siʼa taʼu, kutaa Luuzoon rukuteera

• Obomboleettiin bokkaa cimaa qabuu fi walitti aansee gaʼe kun hidhawwan guguddaan garmalee akka guutan godheera. Kunis abbootiin taayitaa bakka obomboleettii Vaamkootiin hin rukutamnetti bishaanicha akka gadhiisan isaan kakaaseera

• Maatiiwwan 600 ol lolaa kanaan buqqaʼaniiru. Maatiiwwan kana keessaa tokko tokko lubbu baraartonni gaʼuu isaanii dura bishaan dabalaa deemu jalaa ooluuf baaxii mana isaanii irra baʼaniiru

• Obboleessi dargaggeessi tokko caccabaan qaruuraa fuula isaa waan rukuteef madaaʼeera. Amma bayyanachaa jira

Gabaasni jalqabaa akka argisiisutti:

• Yoo xinnaate Galmawwan Mootummaa 6 fi waajjirri hiikkaa fagoo tokko lolaadhaan miidhamaniiru

• Yoo xinnaate manneen 20 miidhamaniiru

• Manni tokko guutummaatti mancaʼeera

• Ilaaltonni ol aanaa aanaa fi jaarsoliin gumii hojii gargaarsaa jalqabaa qindeessaniiru; kunis nyaata, bishaanii fi warra buqqaʼaniif iddoo jireenyaa dhiheessuu dabalata

• Maatiiwwan tokko tokko hojii qulqullinaa jalqabuuf gara mana isaaniitti deebiʼaniiru

• Koreewwan Gargaarsaa Yeroo Balaa 3 hojii gargaarsaa geggeessaa jiru

• Obboloonni qajeelfama COVID-19 wajjin karaa wal simuun hojii gargaarsaa of eeggannoodhaan raawwachaa jiru

Yihowaan yeroo rakkisaa kanatti obbolootaa fi obboleettota keenya akka gargaaru beekna. Sabni Yihowaa hundi balaa uumamaa utuu hin sodaatin yeroo nagaa fi tasgabbiidhaan itti jiraatan hawwiidhaan eegganna.—Faarfannaa 4:8.