Dhimma ijoo ta'etti seeni

Ittiin baafataa bira dhaqi

DAMMAQINAAN EEGAA!

Haala Rakkisaa Keessatti Gammachuu Qabaachuun kan Dandaʼamu Akkamitti?—Kitaabni Qulqulluun Maal Jedha?

Haala Rakkisaa Keessatti Gammachuu Qabaachuun kan Dandaʼamu Akkamitti?—Kitaabni Qulqulluun Maal Jedha?

 Yeroo rakkisaa taʼe kana keessatti wanta nurra gaʼu hunda toʼachuu hin dandeenyu. Haa taʼu malee, yeroo baayʼee gammachuun keenya haala keessa jirru caalaa ilaalcha keenyarratti hundaaʼa. Kitaabni Qulqulluun rakkinni jiraatus, “Namni garaa gammade qabu yeroo hunda affeerraa irra jira” jedha. (Fakkeenya 15:15) Maarree gammachuu keenya dabaluuf maal gochuu dandeenya? Gorsi Kitaaba Qulqulluu si fayyaduu kan dandaʼu akkamitti akka taʼe haa ilaallu.

Yaaddoo dandamachuu

 Kitaabni Qulqulluun akkana jedha: “Yaaddoon garaa namaa keessa jiru gad isa qaba, dubbii gaariin garuu isa gammachiisa.”—Fakkeenya 12:25.

Kophummaa dandamachuu

 Kitaabni Qulqulluun akkana jedha: “Michuu dhugaan yeroo hundumaa jaalala argisiisa, inni obboleessa yeroo dhiphinaatiif dhalate dha.”—Fakkeenya 17:17.

Waaqayyoo fi namootaaf jaalala horadhu

 Kitaabni Qulqulluun akkana jedha: “Waaqa kee Yihowaa garaa kee guutuudhaan, lubbuu kee guutuudhaan, sammuu kee guutuudhaan jaalladhu. . . . Nama akka ofii keetti jaalladhu.” aMaatewos 22:37-39.

 Kitaabni Qulqulluun yeroo rakkisaa taʼe kanatti gammachuu qabaachuuf kan si gargaaru akkamitti akka taʼe baradhu. Akkas gochuuf akka si gargaaruuf barumsa Kitaaba Qulqulluu mareedhaan tola kennamu baradhu.

a Yihowaan maqaa Waaqayyo qofti ittiin waamamudha.—Faarfannaa 83:18.