Miikiyaas 3:1-12
3 Ani akkana nan jedhe: “Yaa dura buutota Yaaqoob,Isin ajajjoonni mana Israaʼel, maaloo dhagaʼaa.+
Wanta sirrii beekuun isin irra hin jiruu?
2 Isin garuu wanta gaarii ni jibbitu,+ wanta hamaa immoo ni jaallattu;+Saba koo irraa gogaa isaanii ni quncistu, lafee isaanii irraas foon ni kaastu.+
3 Kana malees foon saba kootii ni nyaattu,+Gogaa isaaniis irraa ni baastu,Akkuma wanta distiitti affeelameetti, akkuma foon distii keessa jiruutti,Lafee isaanii caccabsitanii ni hurreessitu.+
4 Yeroo sanatti isaan gargaarsaaf Yihowaa ni waammatu,Inni garuu deebii isaaniif hin kennu.
Gocha isaanii isa hamaadhaan kan kaʼe,+Yeroo sanatti inni fuula isaa isaan jalaa ni dhoksa.+
5 Yihowaan raajota warra saba koo karaa irraa jalʼisan+Warra yeroo ilkaan isaaniitiin waa ciniinanitti,*+ ‘Nagaa dha!’ jedhanii labsan,+Nama afaan isaanii keessa homaa hin keenye irratti immoo waraana labsaniin* akkana jedha:
6 ‘Halkan isinitti ni dhufa;+ mulʼata hin argitan;+Dukkanni isinitti ni dhufan malee, hooda hin dubbatan.
Raajota irratti aduun ni lixxi,Guyyaanis isaanitti dukkanaaʼa.+
7 Warri mulʼata argan ni qaanaʼu,+Warri hooda dubbatanis abdii ni kutatu.
Deebiin Waaqayyo biraa dhufu waan hin jirreef,Hundi isaanii iyyuu qaaniidhaan afaan isaanii ni qabatu.’”
8 Ani garuu Yaaqoobitti fincila isaa, Israaʼelittis cubbuu isaa akkan himuuf,Hafuura Yihowaatiin humnaan,Haqaa fi jabinaan guutameera.
9 Isin dura buutonni mana Yaaqoob,Isin ajajjoonni mana Israaʼel,+ maaloo, kana dhagaʼaa,Isin warri haqa jibbitanii fi wanta qajeelaa taʼe hundumaa jalʼistan,+
10 Warri Xiyooniin dhiiga dhangalaasuudhaan, Yerusaalemiinis jalʼinaan ijaartan+ kana dhagaʼaa.
11 Geggeessitoonni* ishii mattaʼaadhaan murtii kennu,+Luboonni ishii gatiidhaan barsiisu,+Raajonni ishiis maallaqaan* hooda dubbatu.+
Taʼus, “Yihowaan nuu wajjin jira mitii?+
Badiisni nutti hin dhufu”+
Jedhanii Yihowaatti amanamu.*
12 Kanaafuu, isiniin kan kaʼeXiyoon akkuma maasiitti ni qotamti,Yerusaalem tuullaa diiggaa ni taati,+Gaarri Manichaas* akkuma iddoowwan ol kaʼoo bosona keessa jiranii* ni taʼa.+
Miiljaleewwan
^ Ykn tarii, “wanta alanfatan qabaatanitti.”
^ Kal., “qulqulleessaniin.”
^ Ykn., “Yihowaatti akka amanaman dubbatu.”
^ Ykn., “meetiidhaan.”
^ Kal., “Mataawwan.”
^ Ykn., “mana qulqullummaas.”
^ Ykn., “tabba mukeetiidhaan guutamee.”
