Isaayyaas 46:1-13
46 Beel gad jedha,+ Neboonis ni gugguufa.
Waaqolii tolfamoon isaanii akkuma baʼaa horii dadhabe irratti feʼameetti,Horii irratti, eeyyee, horii feʼumsaa irratti ni feʼamu.+
2 Isaan waliin ni gugguufu, gadis ni jedhu;Feʼumsa* sana oolchuu hin dandaʼan,Isaanumti* iyyuu boojiʼamanii ni fudhatamu.
3 “Yaa mana Yaaqoob, isin warri mana Israaʼel keessaa haftan hundi,+Isin warri ani yeroo dhalattanii jalqabee isin gargaaree fi yommuu gadameessa keessa turtanii jalqabee isin baadhe+ nana, na dhagaʼaa.
4 Hamma dulloomtanitti ani isuma sana;+Hamma harrii baastanittis isinan baadha.
Akkuman kanaan dura godhetti, isinan baadha, isinan dandaʼa, isinan oolchas.+
5 Akka waan wal fakkaannuutti,+ eenyuu wajjin wal na fakkeessitu?
Yookiin eenyuu wajjin wal na qixxeessitu? Yookiin eenyuu wajjin wal bira na qabdu?+
6 Warri boorsaa isaanii keessaa warqii harcaasan jiru;Isaan madaallii irratti meetii ni madaalu.
Nama sibiila tumu ni mindeessu, innis waaqa godhee isa tolcha.+
Achiis isaaf ni sagadu, eeyyee, isa ni waaqeffatu.*+
7 Ol kaasanii gateettii isaanii irra kaaʼatu;+Isa baatanii iddoo isaa irra isa kaaʼu, innis achuma dhaabbata.
Iddoo isaatii hin sochoʼu.+
Isaan gara isaatti ni iyyu, inni garuu deebii hin kennu;Eenyuun iyyuu dhiphina irraa oolchuu hin dandaʼu.+
8 Kana yaadadhaa, onnatoos taʼaa.
Isin yakkamtoonni kana yaadatti qabadhaa.
9 Wantoota bara durii* yaadadhaa,Ani Waaqa akkan taʼe, ana malees kan biraan akka hin jirre yaadadhaa.
Ani Waaqa dha, kan akka kootii tokko illee hin jiru.+
10 Wanta gara fuulduraatti taʼu jalqaba irraa kaasee,Wantoota hamma yoonaatti hin raawwatamnes bara dheeraa dura nan dubbadha.+
‘Murtoon* koo jabaatee ni dhaabbata,+Wanta na gammachiisu akkamii iyyuu nan raawwadha’+ nan jedha.
11 Ani baha biiftuu* irraa allaattii adamsee nyaatu,+Biyya fagoo irraas nama murtoo* koo raawwatu nan waama.+
Dubbadheera, fiixaan nan baasa.
Kaayyeffadheera, nan raawwadhas.+
12 Isin warri garaa didaa* taʼe qabdan,Isin warri qajeelummaa irraa fagoo jirtan, na dhagaʼaa.
13 Ani qajeelummaa koo fideera;Inni fagoo miti,Fayyisuun koos hin turu.+
Xiyoon keessatti fayyina nan argamsiisa, Israaʼeliifis simboo koo nan kenna.”+
Miiljaleewwan
^ Jechuunis, waaqolii tolfamoo horii irratti feʼaman.
^ Ykn., “Lubbuuwwan isaanii.”
^ Kal., “isa duratti ni gombifamu.”
^ Kal., “jalqabaa.”
^ Ykn., “Kaayyoon; Gorsi.”
^ Ykn., “baha.”
^ Ykn., “kaayyoo; gorsa.”
^ Kal., “cimaa.”
