Isaayyaas 22:1-25
22 Murtii Sulula Mulʼataa* ilaalchisee dabarfame:+
Ati gara baaxiiwwaniitti kan ol baate maaliifi?
2 Yaa magaalaa ishii wacaa fi gammachuu guddaadhaan guutamte nana,Ati jeequmsaan guutamteetta.
Namoonni kee warri ajjeefaman kan ajjeefaman goraadeedhaan miti,Kan duʼanis waraana irratti miti.+
3 Namoonni kee warri abbootii irree taʼan hundi walumaan baqataniiru.+
Isaan iddaa tokko malee mana hidhaatti galfamaniiru.
Gara biyya fagootti baqatanii kan turan yoo taʼe iyyuu,Warri argaman hundi mana hidhaatti galfamaniiru.+
4 Anis akkana kanan jedhe kanaafi: “Ija kee na irraa kaasi,Ani hirqinfadheen booʼa.+
Badiisa intala* saba kootii irra gaʼeefNa jajjabeessuuf hin yaalinaa.+
5 Sababiin isaas, guyyichi guyyaa burjaajaʼuu, guyyaa moʼamuu fi guyyaa naasuu,+Gooftaa Ol Aanaa kan taʼe Yihowaa Gooftaa Raayyaa biraaSulula Mulʼataatti dhufe dha.
Dallichi ni diigama,+Iyyis gara gaarichaatti ol ni baʼa.
6 Eelaam+ korojoo xiyyaa walitti qabdee,Gaariiwwan fardaa namoonni irra jiranii fi fardeenii* wajjin ni dhufti,Qiiris+ gaachana ni baasti.*
7 Sululawwan* kee warri hunda caalaa filatamoo taʼan,Gaariiwwan fardaa waraanaatiin ni guutamu,Fardeenis* karricha biratti iddoo isaanii ni qabatu,
8 Golgaan* Yihudaas irraa ni kaafama.
“Guyyaa sanatti ati gara mana kuusaa meeshaa waraanaa Mana Bosonaa sanaa ni ilaalta;+
9 baqaqaawwan hedduu dallaa Magaalaa Daawitis ni argitu.+ Bishaanota bishaan kuufamaa isa gadiis walitti ni qabdu.+
10 Manneen Yerusaalem ni lakkooftu, dallicha cimsuufis manneen ni jigsitu.
11 Bishaan kuufamaa isa bara durii sanaaf, dallaawwan lamaan gidduutti meeshaa bishaan itti kuusan ni tolchitu; taʼus, Uumaa ishii isa Guddaa hin ilaaltan, isa bara dheeraa dura ishii tolche sana hin argitan.
12 Guyyaa sanatti Gooftaa Ol Aanaa kan taʼe Yihowaan Gooftaan Raayyaa,Booʼichaa fi gadda,+Mataa haadamee fi uffata gaddaa uffachuu ni waama.
13 Garuu, ayyaana kabajuu fi gammachuu,Loonii fi hoolaa qaluu,Foon nyaachuu fi daadhii wayinii dhuguutu taʼaa jira.+
‘Boru waan duunuuf, haa nyaannu, haa dhugnu.’”+
14 Yihowaan Gooftaan Raayyaa akkana jedhee gurra kootti natti hime: “‘Hamma isin duutanitti balleessaan kun isiniif hin dhiifamu’+ jedha Gooftaa Ol Aanaa kan taʼe Yihowaan Gooftaan Raayyaa.”
15 Gooftaa Ol Aanaa kan taʼe Yihowaan Gooftaan Raayyaa akkana jedha: “Gara bulchaa kanaa, gara Shebnaa+ isa manicha* irratti itti gaafatamaa taʼe sanaa dhaqiitii akkana isaan jedhi:
16 ‘Bakka kanatti ofii keetiif iddoo awwaalchaa qopheeffachuuf mirga maalii qabda? Akkana akka gootu hoo eenyutu siif heyyame?’ Inni iddoo ol kaʼaa tokko irratti iddoo awwaalchaa qopheeffachaa jira; qarsaa tokko keessatti ofii isaatiif iddoo boqonnaa* qopheeffachaa jira.
17 ‘Yaa namicha nana, kunoo, Yihowaan humnaan gad si darbata; jabeessees si qaba.
18 Inni dhugumaan cimsee si maree akkuma kubbaatti gara lafa balʼaatti si darbata. Achitti ni duuta, gaariiwwan fardaa kee warri ulfina qabeeyyiin achitti ni hafu; kunis mana gooftaa keetiitiif salphina dha.
19 Ani iddoo kee irraa sin kaasa, aangoo kee irraas sin ariʼa.
20 “‘Guyyaa sanatti Eliyaaqiim+ ilma Hilqiyaa isa tajaajilaa koo taʼe nan waama;
21 uffata kee isatti nan uwwisa, sabbata kee mudhii isaatti cimsee nan hidha,+ aangoo* kees harka isaatti dabarsee nan kenna. Innis jiraattota Yerusaalemii fi mana Yihudaatiif abbaa ni taʼa.
22 Furtuu mana Daawitis+ gateettii isaa irra nan kaaʼa. Balbala inni banu namni tokko illee hin cufu; balbala inni cufus namni tokko illee hin banu.
23 Ani akka fannootti iddoo dhaabbataa irratti isa nan dhaaba; innis mana abbaa isaatiif teessoo ulfinaa ni taʼa.
24 Isaanis ulfina* mana abbaa isaa hundumaa, sanyiiwwanii fi ijoollee,* miʼawwan xixinnoo hundumaa, saaniiwwan golboo, akkasumas hubboowwan* guguddoo hundumaa isa irratti ni fannisu.
25 “Yihowaan Gooftaan Raayyaa akkana jedha: ‘Guyyaa sanatti fannoon iddoo dhaabbataa irra dhaabame sun ni buqqifama,+ muramees ni kufa; baʼaan isa irratti fannifames kufee ni caccaba; sababiin isaas, Yihowaan kana dubbateera.’”
Miiljaleewwan
^ Kun Yerusaalemiin kan argisiisu taʼuu hin oolu.
^ As irratti Yerusaalem nameeffamtee kan ibsamte yeroo taʼu, yaanni bifa walalootiin barreeffame kun gaddaa fi gara laafina kan argisiisu taʼuu dandaʼa.
^ Ykn., “abbootii fardeenii.”
^ Ykn., “ni qopheessiti.”
^ Ykn., “Dirreewwan gad buʼoon.”
^ Ykn., “Abbootiin fardeeniis.”
^ Ykn., “Eegumsi.”
^ Ykn., “mana mootummaa.”
^ Kal., “iddoo jireenyaa.”
^ Ykn., “bulchiinsa.”
^ Kal., “ulfaatina.”
^ Ykn., “latiiwwan.”
^ Ykn., “okkoteewwan.”
