Isaayyaas 19:1-25
19 Murtii Gibxii irratti dabarfame:+
Kunoo, Yihowaan duumessa saffisa qabuun gulufaa gara Gibxii dhufaa jira.
Waaqoliin Gibxii warri gatii hin qabne isa duratti ni hollatu,+Garaan Gibxiis ishii keessatti ni baqa.
2 “Ani warra Gibxii warra Gibxii irratti nan kaasa,Isaanis wal waraanu,Tokkoon tokkoon namaa obboleessa isaa fi ollaa isaa irratti,Magaalaan magaalaa irratti, mootummaanis mootummaa irratti waraana ni bana.
3 Hafuurri Gibxii ishii keessatti ni jeeqama,Anis karoorawwan ishii nan fashaleessa.+
Isaan gara waaqolii gatii hin qabnetti,Gara warra dawweessanitti, gara eker dubbistootaa fi gara raagdotaatti ni garagalu.+
4 Biyya Gibxii gooftaa gara jabeessa taʼetti dabarsee nan kenna,Mootiin hamaanis isaan ni bulcha”+ jedha Gooftaa dhugaan, Yihowaan Gooftaan Raayyaa.
5 Bishaan galaanichaa ni goga,Lagichis ni waxalama, ni gogas.+
6 Lageen ni ajaaʼu;Boʼoowwan Abbayyaa warri Gibxii keessa jiranis ni hirʼatu, ni waxalamus.
Shomboqqoowwanii fi caffeewwan ni tortoru.+
7 Biqiltoonni Laga Abbayyaa biratti, qarqara Abbayyaatti argaman,Akkasumas lafti qarqara Abbayyaatti argamuu fi sanyiin irratti facaafame+ hundi ni goga.+
Inni bubbeedhaan ni fudhatama, sana boodas hin jiraatu.
8 Warri qurxummii kiyyeessan ni gaddu,Warri kiyyoo qurxummii Abbayyaa keessatti darbatan gaddanii ni booʼu,Warri saaphana isaanii bishaanicha irratti diriirsanis ni xiqqaatu.
9 Warri muka talbaa+ irraa uffata hojjetan,Warri muka nama wayyaa dhaʼuu irratti uffata adii tolchanis ni qaaneffamu.
10 Namoonni ishii warri uffata dhaʼan ni caccabu;Warri mindeeffamanii hojjetan hundis ni gaddu.*
11 Bulchitoonni Zoʼaan+ gowwoota dha.
Gorsitoonni Faraʼoon warri hunda caalaa ogeeyyii taʼan gorsa sirrii hin taane kennu.+
Isin akkamitti Faraʼooniin,“Ani sanyii ogeeyyii ti,Ani sanyii mootota durii ti” jettu?
12 Maarree namoonni kee warri ogeeyyiin eessa jiru?+
Isaan Gibxii ilaalchisee wanta Yihowaan Gooftaan Raayyaa murteesse beeku yoo taʼe sitti haa himan.
13 Bulchitoonni Zoʼaan gocha gowwummaa raawwataniiru;Bulchitoonni Noof*+ gowwoomfamaniiru;Ajajjoonni gosootaa ishiis Gibxii karaa irraa jalʼisaniiru.
14 Yihowaan hafuura burjaajaʼuu ishii irratti dhangalaaseera;+Akkuma namni machaaʼe hooqqisa isaa keessa gatantaruttiIsaan wanta Gibxiin gootu hundumaatiin karaa irraa ishii jalʼisaniiru.
15 Gibxiin mataadhaafis taʼe eegeedhaaf, dameedhaafis taʼe caffeedhaaf,*Wanta gootu tokko illee hin qabaattu.
16 Guyyaa sanatti warri Gibxii harka isa sodaachisaa Yihowaan Gooftaan Raayyaa isaan irratti kaasuun kan kaʼe akkuma dubartootaa ni taʼu, ni hollatu, ni sodaatus.+
17 Biyyi Yihudaas Gibxii ni sodaachisti. Murtoo Yihowaan Gooftaan Raayyaa isaan irratti dabarseen kan kaʼe, yommuu maqaan ishii dhaʼamu illee ni sodaatu.+
18 Guyyaa sanatti biyya Gibxii keessatti magaalonni afaan Kanaʼaan+ dubbatanii fi Yihowaa Gooftaa Raayyaatiif amanamoo taʼuuf kakatan shan ni jiraatu. Magaalaan tokko Magaalaa Diiguu jedhamtee ni waamamti.
19 Guyyaa sanatti biyya Gibxii gidduutti Yihowaadhaaf iddoon aarsaa tokko ni jiraata; daangaa ishii irrattis Yihowaadhaaf siidaan tokko ni dhaabama.
20 Innis biyya Gibxii keessatti Yihowaa Gooftaa Raayyaatiif mallattoo fi ragaa ni taʼa; isaan warra isaan cunqursaniin kan kaʼe gara Yihowaatti ni iyyatu; innis fayyisaa guddicha isa isaan fayyisu isaaniif ni erga.
21 Yihowaan warra Gibxii biratti kan beekame ni taʼa, warri Gibxiis guyyaa sanatti Yihowaa ni beeku; isaan aarsaawwan ni dhiheessu, kennaawwan ni kennu, Yihowaadhaaf wareega ni wareegu, wareega sanas ni raawwatu.
22 Yihowaan Gibxii ni rukuta;+ ishii ni rukuta, ni fayyisas; isaan gara Yihowaatti ni deebiʼu, innis kadhannaa isaaniitiif deebii ni kenna, isaan ni fayyisas.
23 Guyyaa sanatti daandii guddaan Gibxii irraa gara Asooritti geessu tokko ni jiraata.+ Yeroo sanatti Asoor gara Gibxii, Gibxiinis gara Asoor ni dhufti; Gibxiin Asoorii wajjin Waaqayyoon ni tajaajilti.
24 Guyyaa sanatti Israaʼel sadaffaa taatee Gibxii fi Asoorii wajjin+ lafaaf eebba ni taati;
25 sababiin isaas, Yihowaan Gooftaan Raayyaa, “Gibxiin ishiin saba koo taate, Asoor ishiin hojii harka kootii taate, Israaʼel ishiin dhaala koo taates haa eebbifaman”+ jedhee ishii ni eebbisa.
Miiljaleewwan
^ Ykn., “lubbuun isaanii ni gadda.”
^ Ykn., “Memfiis.”
^ Ykn tarii, “damee muka meexxiitiifis taʼe shomboqqoodhaaf.”
