Isaayyaas 16:1-14
-
Murtiin Moʼaab irratti dabarfame itti fufe (1-14)
16 Seelaa irraa, karaa lafa onaa keessaGara gaara intala Xiyoonitti,Bulchaa biyyattiitiif korbeessa hoolaa tokko ergaa.
2 Akkuma simbirroo manʼee ishii keessaa ariʼamteetti,+Ijoolleen durbaa Moʼaabis malkaawwan Arnoon+ keessatti akkanuma ni taʼu.
3 “Gorsa kennaa, murtoos dabarsaa.
Guyyaa saafaatti gaaddisni kee akkuma halkanii cimaa akka taʼu godhi.
Warra bittinnaaʼan dhoksi, warra baqatanis dabarsitee hin kennin.
4 Yaa Moʼaab, namoonni koo warri bittinnaaʼan si keessa haa jiraatan.
Atis isa badiisa geessisu+ sanaan kan kaʼe, isaaniif bakka dhokannaa taʼi.
Inni cunqursu ni balleeffama,Badiisni sun ni dhaabbata,Namoonni warra kaan dhidhiitanis lafa irraa ni badu.
5 Achiis teessoon tokko jaalala amanamaadhaan jabaatee ni dhaabbata.
Inni dunkaana Daawit keessatti teessoo sana irra taaʼus amanamaa ni taʼa;+Haqaan murtii ni kenna, saffisaanis qajeelummaa ni raawwachiisa.”+
6 Waaʼee of tuulummaa Moʼaab dhageenyeerra, inni baayʼee of tuultuu dha;+Waaʼee of tuulummaa isaa, waaʼee koora isaa fi waaʼee aarii isaa isa guddaa dhageenyeerra;+Taʼus dubbiin isaa inni duwwaa taʼe faayidaa hin qabaatu.
7 Kanaafuu, Moʼaab Moʼaabiif ni gadooda;Hundi isaanii iyyuu ni gadoodu.+
Warri rukutaman bixxilleewwan zabiibii Qiir Haresetiif+ ni aadu.
8 Maasiiwwan wayinii Heshboon+ goganiiru,Mukti wayinii Sibmaas+ coolligeera,Bulchitoonni sabootaa dameewwan ishii warra diimatan* dhidhiitaniiru;Isaan Yaazeer+ bira gaʼanii turan;Lafa onaa keessattis babalʼatanii turan.
Latiiwwan isaa babalʼatanii galaanicha bira gaʼanii turan.
9 Akkuman Yaazeeriif booʼutti, muka wayinii Sibmaatiif kanan booʼu kanaafi.
Iyyi yeroo firii bonaa keessanii fi yeroo makaraa keessaniitti dhagaʼamu waan xumurameef,*Yaa Heshboon, yaa Eleʼaalee,+ ani imimmaan kootiin isin nan jiisa.
10 Gammachuunii fi ililchuun maasii fuduraa sana irraa fudhatameera,Faarfannaan gammachuu yookiin iyyi maasiiwwan wayinii keessa hin jiru.+
Iyyi sun akka dhaabbatu waanan godheef,Inni dhidhiitu sun bakka wayiniin itti cuunfamu keessatti sana booda wayinii hin dhidhiitu.+
11 Akkuma baganaa rukutamuutti,Keessi koo Moʼaabiif,+Garaan koos Qiir Haresetiif kan raafamu kanaafi.+
12 Moʼaab yeroo iddoo ol kaʼaa irratti of dadhabsuu fi kadhachuuf gara iddoo qulqulluu isaa dhaqutti illee buʼaa argatu hin qabaatu.+
13 Wanti Yihowaan Moʼaabiin ilaalchisee dursee dubbate kana dha.
14 Ammas Yihowaan akkana jedha: “Waggaa sadii keessatti, akkuma bara nama mindeeffamee hojjetuutti,* ulfinni Moʼaab jeequmsa guddaa akaakuu hundumaatiin ni salphifama; warri hafanis baayʼee muraasaa fi humna kan hin qabne ni taʼu.”+
Miiljaleewwan
^ Ykn., “firii wayinii diimaa hedduu qabatan.”
^ Ykn tarii, “Iyyi waraanaa firii bonaa keessanii fi makara keessan irratti waan gad buʼeef.”
^ Ykn., “akkuma namni qacaramee hojjetu godhutti, of eeggannoodhaan lakkaaʼamee”; jechuunis, wagguma sadii keessatti.
