Isaayyaas 15:1-9
-
Murtii Moʼaab irratti dabarfame (1-9)
15 Murtii Moʼaab irratti dabarfame:+
Ishiin halkan tokkotti waan balleeffamteef,Aar+ ishiin Moʼaab cal jechisiifamteetti.
Ishiin halkan tokkotti waan balleeffamteef,Qiir+ ishiin Moʼaab cal jechisiifamteetti.
2 Inni booʼuuf, gara Manichaattii* fi gara Diboonitti,+Gara iddoowwan ol kaʼootti ol baʼeera.
Moʼaab Neboo+ fi Medebaadhaaf+ ni gadooddi.
Mataan hundi haadameera,+ areedni hundis murameera.+
3 Isaan daandiiwwan ishii irratti uffata gaddaa uffataniiru.
Hundi isaanii baaxiiwwan isaanii irrattii fi addabaabayiiwwan isaanii keessatti ni gadoodu;Booʼaas gad ni buʼu.+
4 Heshboonii fi Eleʼaaleen+ ni iyyu;Sagaleen isaaniis hamma Yaahaazitti+ dhagaʼama.
Namoonni Moʼaab warri meeshaa waraanaa hidhatan iyyaa kan jiran kanaafi.
Inni* romʼaa jira.
5 Garaan koo Moʼaabiif ni booʼa.
Baqattoonni ishii hamma Zoʼaarii+ fi hamma Eglaat Sheliishiyaatti+ baqataniiru.
Isaan yommuu ol baʼan irraan gadee Luhiit irratti ni booʼu;Balaa gaʼeen kan kaʼes daandii gara Horonaayimitti geessu irratti ni iyyu.+
6 Sababiin isaas, bishaanonni Nimriim goganiiru;Margi lalisaan gogeera,Margi badeera, wanti lalisaa taʼe tokko illee hin hafne.
7 Isaan wanta gootaraawwan isaanii keessattii fi qabeenya isaanii irraa hafe fudhatanii deemaa kan jiran kanaafi;Isaan sulula* alaltuu ceʼaa jiru.
8 Iyyi sun guutummaa naannoo Moʼaab keessatti ni dhagaʼama.+
Gadooduun sun hamma Eglaayimitti ni dhagaʼama;Gadooduun sun hamma Beʼeer Eeliimitti ni dhagaʼama.
9 Sababiin isaas, bishaanonni Dimoon dhiigaan guutamaniiru,Wantan Dimooniif qopheesse kan biraas qaba:
Namoota Moʼaab warra miliqaniif,Warra biyyattii keessatti hafaniifis leenca qopheesseera.+
