Fakkeenya 29:1-27
29 Namni yeroo baayʼee erga ifatamee booda boquu isaa jabeessu*+Akkuma tasaa ni caba, fayyuus hin dandaʼu.+
2 Yeroo qajeelonni baayʼatan uummanni ni gammada,Yeroo namni hamaan bulchu garuu uummanni ni aada.+
3 Namni ogummaa jaallatu garaa abbaa isaa ni gammachiisa,+Namni michuu sagaagaltootaa taʼu garuu qabeenya isaa qisaasessa.+
4 Mootiin haqaan biyya tasgabbeessa,+Namni mattaʼaa barbaadu garuu biyya mancaasa.
5 Namni sobaan michuu isaa jajuMiila isaatiif saaphana diriirsa.+
6 Namni hamaan yakki isaa kiyyootti isa galcha,+Namni qajeelaan garuu ni ililcha, ni gammadas.+
7 Namni qajeelaan mirgi seeraa hiyyeeyyiin qaban isa yaaddessa,+Namni hamaan garuu waaʼeen kanaa isa hin yaaddessu.+
8 Namoonni of jajan magaalaa gubu,+Namoonni ogeeyyiin garuu aarii qabbaneessu.+
9 Namni ogeessi nama gowwaa wajjin yeroo wal morkatuIyyaa fi qoosaatu taʼa malee boqonnaa hin argatu.+
10 Namoonni dhiiga dheebotan nama qulqulluu* kam iyyuu ni jibbu,+Lubbuu nama qajeelaas balleessuu barbaadu.*
11 Namni gowwaan miira* isaa hundumaa gad baasa,+Namni ogeessi garuu tasgabbiidhaan miira isaa qora.+
12 Bulchaan tokko yommuu sobaaf xiyyeeffannaa kennu,Tajaajiltoonni isaa hundi hamoota taʼu.+
13 Wanti hiyyeessaa fi nama nama cunqursu wal fakkeessu* kana dha:
Ija lamaan isaaniitiif iyyuu ifa kan kennu Yihowaa dha.*
14 Mootiin haqaan hiyyeeyyiidhaaf yommuu murtii kennu,+Yeroo hundumaa teessoon isaa amansiisaa taʼa.+
15 Uleenii* fi ifannaan ogummaa argamsiisu,+Mucaan gadhiisii taʼe garuu haadha isaa qaanessa.
16 Hamoonni yommuu baayʼatan yakkis ni baayʼata,Qajeelonni garuu kufaatii isaanii ni argu.+
17 Ilma kee adabi, innis boqonnaa siif kenna,Gammachuu guddaas siif argamsiisa.*+
18 Bakka mulʼanni* hin jirretti, uummanni gadhiisii taʼa,+Warri seericha eegan garuu gammadoo dha.+
19 Tajaajilaan tokko dubbiidhaan qofa sirreeffama hin fudhatu,Inni wanta itti himamu yoo hubate iyyuu hin ajajamu.+
20 Nama dubbachuuf ariifatu argiteettaa?+
Isa caalaa namni gowwaan abdii qaba.+
21 Tajaajilaan tokko ijoollummaa isaatii jalqabee yoo qanansiifame,Yeroo booda kan hin galateeffanne taʼa.
22 Namni dafee aaru walitti buʼiinsa kakaasa;+Namni dheekkamsa jaallatu kam iyyuu yakka hedduu raawwata.+
23 Namni tokkoo of tuulummaan isaa gad isa qaba,+Namni hafuura isaatiin gad of qabu kam iyyuu garuu ulfina argata.+
24 Namni michuu hattuu taʼe of* jibba.
Inni ragaa akka baʼu waamicha isaaf dhihaate* yoo dhagaʼe iyyuu homaa hin dubbatu.+
25 Namoota sodaachuun* kiyyoo dha,+Namni Yihowaatti amanamu garuu eegumsa argata.+
26 Namoonni hedduun bulchaa tokkoo wajjin taʼuu* barbaadu,Namni haqa kan argatu garuu Yihowaa biraa ti.+
27 Namni haqa jalʼisu nama qajeelaa biratti jibbisiisaa dha,+Namni daandiin isaa qajeelaa taʼe garuu nama hamaa biratti jibbisiisaa dha.+
Miiljaleewwan
^ Ykn., “akkuma didaa taʼetti itti fufu.”
^ Ykn., “balleessaa hin qabne.”
^ Ykn tarii, “Namni qajeelaan garuu lubbuu isaa eeggachuu barbaada.”
^ Kal., “hafuura.”
^ Kal., “walitti fidu.”
^ Jechuunis, jireenya kan isaaniif kennu isa dha.
^ Ykn., “Adabnii.”
^ Ykn., “lubbuu keetiif ni argamsiisa.”
^ Ykn., “mulʼanni raajii.”
^ Ykn., “lubbuu ofii isaa.”
^ Ykn., “kakaa abaarsa fidu.”
^ Ykn., “duratti hollachuun.”
^ Ykn., “duratti fudhatama argachuu.” Kal., “fuula bulchaa tokkoo.”
