Faarfannaa 95:1-11
95 Kottaa, Yihowaadhaaf haa ililchinu!
Qarsaa fayyinaa keenyaaf miira injifannootiin haa ililchinu.+
2 Galataa wajjin isa* duratti haa dhihaannu;+Isaaf haa faarfannu, miira injifannootiinis isaaf haa ililchinu.
3 Sababiin isaas, Yihowaan Waaqa guddaa dha,Waaqolii kan biroo hundumaa irrattis Mootii guddaa dha.+
4 Gad fageenyi lafaa harka isaa keessa jira;Fiixeewwan gaarotaas kan isaa ti.+
5 Galaanni inni tolche kan isaa ti,+Lafa gogaa kan hojjetes harka isaa ti.+
6 Kottaa, haa waaqeffannu, haa sagadnus;Yihowaa isa nu tolche duratti haa jilbeenfannu.+
7 Inni Waaqa keenya dha,Nuti immoo saba kaloo isaa keessa,Hoolota kunuunsa isaa jala jirru dha.*+
Harʼa sagalee isaa yoo dhageessan,+
8 Akkuma Mariibaatti* taʼetti,+Akkuma lafa onaa keessatti guyyaa Maasaatti* taʼettis+ garaa keessan didaa hin godhinaa;
9 Yeroo sanatti abbootiin keessan na qoraniiru;+Hojiiwwan koo kan argan taʼus, na shakkaniiru.+
10 Anis waggaa 40f dhaloota sana jibbee akkana nan jedhe:
“Isaan saba yeroo hundumaa garaan isaa karaa irraa goru dha;Daandiiwwan koos hin beekne.”
11 Kanaan kan kaʼes, dheekkamsa kootiin,“Isaan gara boqonnaa kootti hin galan”+ jedheen kakadhe.
