Faarfannaa 9:1-20

  • Hojiiwwan Waaqaa warra dinqisiisoo labsuu

    • Yihowaan iddoo amansiisaa kooluu itti galani dha (9)

    • Warri maqaa Waaqaa beekan isatti amanamu (10)

Geggeessaa muuziqaatiif; Mutlaabeenitti.* Faarfannaa Daawit. א [Aleef] 9  Yaa Yihowaa, garaa koo guutuudhaan sin jajadha;Waaʼee hojiiwwan kee warra dinqisiisoo taʼan hundumaas nan dubbadha.+   Ani sitti nan gammada, nan ililchas;Yaa Isa Hundaa Olii, maqaa keetiif faarfannaa galataa nan faarfadha.*+ ב [Beet]   Diinonni koo yommuu duubatti deebiʼan,+Gufatanii si duraa ni badu.   Sababiin isaas, ati haqa naaf kenniteetta, naaf falmiteettas;Ati teessoo kee irra teessee qajeelummaadhaan ni murteessita.+ ג [Giimel]   Saboota ifatteetta,+ hamootas balleessiteetta,Maqaa isaanii baraa hamma bara baraatti haqxeetta.   Diinni bara baraaf balleeffameera;Ati magaalota isaanii buqqisteetta,Yaadannoon isaanii hundis ni bada.+ ה [Hii]   Yihowaan garuu bara baraaf teessoo irra taaʼeera;+Inni teessoo isaa haqaaf cimsee dhaabeera.+   Inni warra lafa irra jiraataniif* qajeelummaadhaan murtii ni kenna;+Sabootaafis murtoo seeraa qajeelaa taʼe ni dabarsa.+ ו [Waaw]   Yihowaan warra cunqurfamaniif iddoo amansiisaa kooluu itti galan* ni taʼa,+Inni yeroo rakkinaatti kooluu amansiisaa dha.+ 10  Warri maqaa kee beekan sitti amanamu;+Yaa Yihowaa, ati warra si barbaaddatan matumaa hin dhiistu.+ ז [Zaayin] 11  Yihowaa isa Xiyoon keessa jiraatuuf faarfannaa galataa faarfadhaa;Gochawwan isaas namoota gidduutti beeksisaa.+ 12  Sababiin isaas, inni dhiiga isaaniitiif haaloo baʼu, isaan ni yaadata;+Iyya warra cunqurfamaniis hin irraanfatu.+ ח [Heet] 13  Yaa Yihowaa, gaarummaa natti argisiisi;Ati inni karrawwan duʼaa irraa na kaastu,+ cunqursaa warri na jibban na irraan gaʼan ilaali; 14  Kunis ani karrawwan intala Xiyoon+ irratti hojiiwwan kee warra jajamuu qaban akkan labsuuf,Gochawwan fayyinaa keettis akkan gammaduufi.+ ט [Teet] 15  Saboonni boolluma ofii isaaniitiin qotan keessa lixaniiru;Miilli isaanii kiyyoo ofii isaaniitiin dhoksaniin qabameera.+ 16  Yihowaan murtii kennuun ni beekama.+ Inni hamaan hojiidhuma harka isaatiin kiyyoo keessa galeera.+ Higaayoon.* (Seelaa) י [Yood] 17  Hamoonni gara Awwaalaatti* deebiʼu;Saboonni Waaqayyoon irraanfatan hundis achi dhaqu. 18  Hiyyeessi garuu yeroo hunda hin irraanfatamu;+Abdiin garraamotaas matumaa hin badu.+ כ [Kaaf] 19  Yaa Yihowaa, kaʼi! Namni duʼu si hin moʼin. Saboonni si duratti itti haa murteeffamu.+ 20  Yaa Yihowaa, sodaa isaanitti buusi,+Saboonni namoota duʼan taʼuu isaanii haa beekan. (Seelaa)

Miiljaleewwan

Ykn., “muuziqaa nan qopheessa.”
Ykn., “lafa oomisha kennituuf.”
Ykn., “ol kaʼaa taʼe.”
Ykn., “Siʼoolitti,” jechuunis, bakka ilmaan namootaa hundi itti awwaalaman. Ibsa Jechootaa ilaali.