Faarfannaa 88:1-18

  • Kadhannaa duʼa irraa ooluuf dhihaate

    • ‘Lubbuun koo Awwaala qarqara jira’ (3)

    • ‘Ganama ganama sin kadhadha’ (13)

Faarfannaa. Faarfannaa ilmaan Qoraa.+ Geggeessaa muuziqaatiif; akkaataa Mahaalaatiin,* wal harkaa fuudhuudhaan kan faarfatamu. Maaskiilii* Hemaan+ Izraahichaa. 88  Waaqa fayyinaa koo kan taate yaa Yihowaa,+Guyyaa nan iyya,Halkanis si duratti nan dhihaadha.+  2  Kadhannaan koo gara kee haa dhufu,+Gurra kee gara iyya ani gargaarsa argachuuf dhageessisutti qabi.*+  3  Sababiin isaas, jireenyi koo rakkinaan guutameera,+Lubbuun* koos Awwaala* qarqara jira.+  4  Ani warra gara boollaatti* gad buʼan gidduutti lakkaaʼameera;+Nama gargaarsa hin qabne,*+  5  Akka reeffa awwaala keessa ciisuuttiNama warra duʼan gidduutti dhiifame,Nama ati yaadachuu dhiiste,Nama kunuunsa* kee irraa addaan cites taʼeera.  6  Boolla isa jalaa keessa,Iddoowwan dukkanaa keessa, qilee guddaa keessas na keesseetta.  7  Dheekkamsi kee baayʼee natti ulfaateera,+Dambalii kee isa caccabsuunis akkan liqimfamu gooteetta. (Seelaa)  8  Michoota koo na irraa fageessitee ariiteetta;+Isaan duratti wanta jibbisiisaa akkan taʼu gooteetta. Ani kiyyoodhaan qabameera, miliquus hin dandaʼu.  9  Rakkina kootiin kan kaʼe ijji koo dadhabeera.+ Yaa Yihowaa, guyyaa guutuu sin waammadha;+Harka koo gara keetti nan diriirsa. 10  Warra duʼaniif wantoota dinqisiisoo ni raawwattaa? Warri duʼaan moʼaman kaʼanii si jajachuu ni dandaʼuu?+ (Seelaa) 11  Jaalalli kee inni amanamaan awwaala keessatti,Amanamummaan kees iddoo badiisaa* keessatti ni labsamaa? 12  Dinqiin kee dukkana keessattiYookiin qajeelummaan kee biyya warra irraanfatamanii keessatti ni beekamaa?+ 13  Yaa Yihowaa, ani garuu amma iyyuu gargaarsa argachuuf gara keetti nan iyyadha,+Ganama ganamas kadhannaan koo si duratti ni dhihaata.+ 14  Yaa Yihowaa, maaliif na* dhiista?+ Fuula kee hoo maaliif na jalaa dhoksita?+ 15  Ani ijoollummaa kootii jalqabeeNama cunqurfamee fi baduu jala gaʼe taʼeera;+Wantoota sodaachisoo akka na irra gaʼan heyyamteen kan kaʼes hadoodeera. 16  Dheekkamsi kee inni bobaʼaan na liqimseera;+Naasuun si biraa dhufus na balleesseera. 17  Isaan guyyaa guutuu akkuma bishaanotaatti na marsaniiru;Kallattii hundumaatiinis* na irratti cufaniiru. 18  Michoota koo fi hiriyoota koo na irraa fageessitee ariiteetta;+Dukkannis michuu koo taʼeera.

Miiljaleewwan

^ Ykn., “Gad jedhii iyya ani gargaarsa argachuuf dhiheessu dhagaʼi.”
^ Ykn., “Siʼool,” jechuunis, bakka ilmaan namootaa hundi itti awwaalaman. Ibsa Jechootaa ilaali.
^ Ykn., “Akka nama humna hin qabnee.”
^ Ykn., “awwaalaatti.”
^ Kal., “harka.”
^ Ykn., “Abaadoon.”
^ Ykn., “lubbuu koo.”
^ Ykn tarii, “Hundi isaanii takkaatti.”