Faarfannaa 65:1-13
Geggeessaa muuziqaatiif. Faarfannaa Daawit. Faarfannaa.
65 Yaa Waaqayyo, Xiyoon+ keessatti jajamuun siif mala;Nuti wareega siif wareegne ni raawwanna.+
2 Yaa isa kadhannaa namaa dhageessuu, namoonni gosa* hundumaa gara kee ni dhufu.+
3 Balleessaan koo na liqimseera,+Ati garuu yakka keenya nuuf haguugdeetta.+
4 Namni mooraa kee keessa akka jiraatu filattee fiOfitti dhiheessite gammadaa dha.+
Nuti wantoota gaggaarii mana kee,+Mana qulqullummaa*+ kee isa qulqulluu taʼe keessa jiraniin ni quufna.
5 Yaa Waaqa fayyinaa keenya,Ati gochawwan qajeelummaa sodaachisoo taʼaniin deebii nuuf kennita;+Ati Amanannaa guutummaa andaara lafaa,+Akkasumas kan warra galaanicha gama fagaatanii jiranii ti.
6 Ati* humna keetiin gaarota cimsitee hundeessiteetta;Jabinas uffatteetta.+
7 Galaanota jeeqaman,Dhaʼaa dambalii isaanii fi jeequmsa sabootaa cal jechisiista.+
8 Namoonni naannoo fagoo jiraatan mallattoowwan keetiin kan kaʼe ni sodaatu;+Ati warri baha biiftuutii jalqabee hamma dhiha biiftuutti argaman gammachuudhaan akka ililchan ni goota.
9 Firii baayʼee* akka argamsiistuu fi badhaatuu akka taatu gochuudhaan,Lafa ni kunuunsita.+
Lagni Waaqa biraa dhufu guutuu dha;Midhaan isaaniif ni kennita,+Ati akka kanaan lafa qopheessiteetta.
10 Boʼoowwan isaa ni laaffiste, biyyoo isaa isa qotames* wal qixxeessite;Tiifuu bokkaatiin isa ni jiiste; sanyiin facaafame akka biqiluu fi akka guddatuufis biyyoo isaa ni eebbiste.+
11 Waggicha gaarummaa keetiin ni gonfite;Daandiin kees badhaadhinaan kan guutame dha.*+
12 Iddoowwan dheedichaa lafa onaa keessa jiran yeroo hundumaa ni lalisu,*+Tabbawwanis gammachuudhaan guutamaniiru.+
13 Iddoowwan dheedichaa keessa bushaayeewwan guutaniiru,Sululawwanis* midhaaniin uwwifamaniiru.+
Isaan sagalee injifannootiin ni iyyu, eeyyee, ni faarfatu.+
Miiljaleewwan
^ Kal., “foon.”
^ Ykn., “Iddoo qulqulluu.”
^ Kal., “Inni.”
^ Kal., “Irraa hafaa akka taatu.”
^ Ykn., “sararawwan isaas.”
^ Kal., “cooma kan coccobsu dha.”
^ Kal., “coccobu.”
^ Ykn., “Dirreewwan gad buʼoon.”
