Faarfannaa 48:1-14
Faarfannaa. Faarfannaa ilmaan Qoraa.+
48 Yihowaan magaalaa Waaqa keenyaa keessatti, gaara isaa isa qulqulluu irrattis,Guddaa dha, hunda caalaa jajamuunis kan isaaf malu dha.
2 Gaarri Xiyoon ishiin karaa kaabaatiin fagaattee argamtu,Magaalaan Mootii isa Guddaas,+Ol kaʼiinsa ishiitiin miidhagduu dha, ishiin gammachuu guutummaa lafaa ti.+
3 Waaqayyo masaraawwan ishii warra ciccimoo taʼan keessatti,Iddoo amansiisaa kooluu itti galan* taʼuu isaa beeksiseera.+
4 Kunoo, mootonni walitti qabamaniiru;*Waliin taʼaniis dhufaniiru.
5 Isaan kana yommuu argan ni ajaaʼibsiifatan.
Naʼaniis sodaadhaan ni baqatan.
6 Achittis ni hollatan,Akkuma dubartii daʼuuf jettuuttis ni dhiphatan.
7 Ati bubbee bahaatiin dooniiwwan Tarshiish ni caccabsite.
8 Magaalaa Yihowaa Gooftaa Raayyaa keessatti, magaalaa Waaqa keenyaa keessatti,Wanta dhageenye, amma ijuma keenyaan argineerra.
Waaqayyo bara baraaf cimsee ishii dhaaba.+ (Seelaa)
9 Yaa Waaqayyo, nuti mana qulqullummaa kee keessatti,Jaalala kee isa amanamaa irratti ni xiinxalla.+
10 Yaa Waaqayyo, akkuma maqaa keetti, ulfinni kees,Hamma andaara lafaa ni gaʼa.+
Harki kee mirgaa qajeelummaadhaan guutameera.+
11 Murtiiwwan keetiin kan kaʼe,+ Gaarri Xiyoon+ haa gammadu,Magaalonni* Yihudaas haa ililchan.
12 Xiyoonitti marsaa; guutummaa naannoo ishii keessa deemaa;Masaraawwan ishii lakkaaʼaa.+
13 Dallaawwan ittisaa ishii* qalbeeffadhaa.+
Waaʼee ishii dhaloota dhufutti himuu akka dandeessaniif,Masaraawwan ishii warra dallaa dhagaa qaban qoradhaa.
14 Waaqni kun baraa hamma bara baraatti Waaqa keenya dha.+
Inni baraa hamma bara baraatti* nu qajeelcha.+
Miiljaleewwan
^ Ykn., “ol kaʼaa taʼe.”
^ Ykn., “beellamaan wal arganiiru.”
^ Kal., “Ijoolleen durbaa.”
^ Ykn., “Dallaawwan ishii warra jajjaboo.”
^ Ykn tarii, “hamma duunutti.”
