Rhie riẹ irhomẹmro re havwiẹ

Rhie riẹ eghwẹmro re havwiẹ

 ENYERẸN ILELE KRISTI

E Rhe Ruẹ Ena Ọwan Uvuẹn Owian Aghwoghwo Na Rhomẹrhọ—Re Ghwoghwo Nyoma Ifonu

E Rhe Ruẹ Ena Ọwan Uvuẹn Owian Aghwoghwo Na Rhomẹrhọ—Re Ghwoghwo Nyoma Ifonu

OBORẸ ỌSORIẸ ỌGHANREN: Izede ọghoghanren owu re ne “se oseri ro fiotọre kpahen iyẹnrẹn esiri” na, yẹ ọrẹ ene ghwoghwo nyoma ifonu. (Ac 20:24) * Ọ ha userhumu rẹn ọwan ghwoghwo rẹn ohworho ọrhọ tobọ rhianẹ a sabu riẹ oghwa ọravwọ-ọ.

OBORẸ ENE RUIE LELE:

  • Mwuegbe. Sanọ urhomu-ẹmro ro serhọ. Orho ru, gba ya oborẹ wu na ta rẹn ohworho na rhotọre. Habaye, wu na sabu mwuegbe ẹmro kpeke rọ ta kpahen oborẹ ọsoriẹ we se ohworho na. Ono rhomu wu rhe siyẹ obaro imẹdjẹ rhẹ ẹmro wu ya rhotọre na ọrhẹ ọsoso ekwakwa wu na ha ruiruo, jerẹ ifonu ro vwo JW Library® yanghene jw.org®

  • Je ẹhọn totọre. Tẹmro na izede ikuegbe. Vwo ughwaro sasasa jeghwai ha abọ ruiruo izede ro serhọ kamẹriẹn ohworho na ọ mẹruọn. Wu vwa dunuji ọgbọ buebu-un. O fori ne wu lele ohworho ọrọrọ wian kugbe. Orhianẹ ọrovwoghwa na ọ nọruọn onọ, vwanriẹn onọ na neneyo ohworho ro leluo wian ọ sabu ha userhumu wẹn guọlọ ẹkpahenrhọ na

  • Kpekpa ẹrharhumu bru rhotọre. Ohworho na orho dje omwemẹ phia, wu na sabu nọ yen onọ neneyo wu kpahenrhọ ye riẹn wu rha rharhumu se yi. Wu na sabu ta riẹn taghene wu na nyoma ifonu yanghene ikọmputa dje ẹbe vwe yi yanghene wẹwẹ ọvo ina ha ọbe na vwe yi. Yanghene wu na sabu nyoma ifonu yanghene ikọmputa dje ividio ukoko na owu vwe yi. Orho serhọ, wu na sabu ta rẹn ohworho na kpahen Online Bible Study Lessons yanghene emru ọrọrọ rọ ha uvuẹn iwẹbsaiti ukoko na

^ Udjoghwẹmro 3 Orhianẹ a sabu ha ifonu ghwoghwo uvuẹn ekete we rhirhiẹ, o fori ne wu nyalele urhi ro suẹn ẹkwotọre na jeghwai mwuọghọ rẹn ugbomọphẹ ihworho re se nyoma ifonu na.