Rhie riẹ irhomẹmro re havwiẹ

Me Ọyẹ Ọnọ Yẹ Enyerẹn Ekrun Omamerhomẹ?

Me Ọyẹ Ọnọ Yẹ Enyerẹn Ekrun Omamerhomẹ?

Wu rorori taghene . . .

  • ẹguọlọ?

  • igho?

  • gbinẹ emru ọrọrọ?

 OBORẸ I BAIBOL Ọ TARE

‘Omamerhomẹ ọ havwiẹ harẹn erẹ i rhon ẹmro Osolobrugwẹ, i rhe ji ru lelie!’—Luke 11:28, New World Translation.

OBORẸ ỌRANA ỌNỌ SABU MEVIRHỌ WẸN

Ẹguọlọ urhomẹmro.—Ephesians 5:28, 29.

Omamọ ọghọ.—Ephesians 5:33.

Ẹhẹn ro totọre dẹn.—Mark 10:6-9.

 ỌWAN INE GHINI SABU KWERHỌ OBORẸ I BAIBOL NA Ọ TARE?

Ee, orho riotọre, fọkiẹ iroro eva:

  • Osolobrugwẹ yẹ ọ Tuẹn enyerẹn ekrun rhọ. Baibol ọ tare taghene i Jehova Osolobrugwẹ ‘yẹ o vwo ọsoso ekrun.’ (Ephesians 3:14, 15) Izede ọrọrọ, ẹkwaphiẹrhotọre ọrẹ ekrun na ọ havwiẹ fọkime i Jehova yẹ o ru rie. Mesoriẹ ọrana o rhiẹ oborẹ ọghanren?

    Gba haye omana: Wa rha riẹ emaren rọ merhenren ne wu guọlọ rhe oborẹ a ha sere emaren na, ọrọmo ọye wu na nọ? Itiọrẹ-urhomẹmro, ọrẹ o sere emaren na ọye wu na nọ.

    Omaran ọ je havwọ. Nẹ a sabu rhe oborẹ ọnọ lẹrhẹ oma merhen ekrun ọwan, Jehova rọ Tuẹn ẹkwaphiẹrhotọre ekrun rhọ na, nọ ye ana nọ.—Gẹnẹsis 2:18-24.

  • Osolobrugwẹ ọ vwo ọdamẹ kpahuọn. Orhiẹ emru ẹghwanren nẹ ekrun ephian e ha urhebro i Jehova ọ haphia nẹ oma Ẹmro ọnẹyen. Mesoriẹ? ‘Fọkime, ọye o vwo ọdamẹ kpahuọn.’ (1 Peter 5:6, 7) Jehova orhe oborẹ ọmai rhomu wẹn. Urhebro yi ọwian ọke na ephian!—Proverbs 3:5, 6; Isaiah 48:17, 18.

 GBE RORO KPAHEN ỌNANA

Marhẹ wu ne ru sabu rhiẹ omamọ esa, ane, yanghene ọsẹ yan izu?

Baibol ọ kpahenrhọ onọ na uvuẹn ọbe EPHESIANS 5:1, 2 rhẹ COLOSSIANS 3:18-21.