Skip to content

Skip to secondary menu

Skip to table of contents

Jehovah’s Witnesses

Khana

Tɔgɛnu Pya O Miɔ̄ŋɔ

 Nuenɔ̄ 8

Josaia Bee Ɛrɛ Pya Gbo Alee

Josaia Bee Ɛrɛ Pya Gbo Alee

O kɛɛrɛ ge kɔ a aga loe doo nu a lee ni?— Gbɛnɛ-edo nɛɛ̄ kɛɛrɛ kɔ a’aga. Kpa Baibol kɔ inɛ kɔ abee aga gbɛnɛ bah ziī nwiī zuguru akura Josaia loe doo nu a lee. Mɛ abee ɛrɛ pya gbo alee ba bee ye yerebah nɛ̄. Doo i nɔ̄ gbɛnɛkpo nu akiiloo Josaia le Pya ye gbo.

Tɛ Josaia bee le Amɔn, mɛnɛ-buɛ̄ Juda. Amɔn bee bee piya gbɛnɛ sa bee taāŋa-nage bah yɔ. Sɔ̄ Amɔn bee u, Josaia bee lu mɛnɛ-buɛ̄ Juda. Mɛ a ebee luge aba ɛrɛtaa zua! O kɛɛrɛge kɔ a bee bee piya bee ye tɛ ni?— Eeye, naa bee bee piya!

Zɛfanaia bee zuurabahtɔ̄ pya nɛɛ̄ kɔ ba aa taāŋaba yɔ

Kere sɔ̄ a bee lege nwīgbagbara nwiī, Josaia bee gbī e gbaɛ̄tɔ̄loo Jɛhova. Nyɔwo, a bee sagɛ loe yiigbo aba pya a wereloo Jɛhova. E ba bee yerebah nɛ̄ Josaia loe doo nu alee. Ba mɛɛ̄ na a bee le gbo Josaia ani?

Ziī yɛɛ pya ye gbo bee le Zɛfanaia. Zɛfanaia bee le nɛɛ̄ mɔmanudɛɛ̄ a bee zuurabahtɔ̄ pya buɛ̄ Juda kɔ pɔrɔ nu  gaa le sira wa loo lo ale ba taāŋaba yɔ. Josaia bee gbaɛ̄tɔ̄loo Zɛfanaia sa taāŋaba Jɛhova, ea naale yɔ.

Dɔɔ̄na gbo Josaia bee le Jeremaia. Bee dap lu sīkoh Josaia, e ba bee tɔɔ̄ kɛ̄ a waɛloo ziī sɔ̄ ba bee le nwiī. Ba bee lu kaānā gbo mmɛ kɛ̄, sɔ̄ Josaia bee u, Jeremaia bee ɛm ziī keebee yɔɔ akiiloo kɛ̄ luh Josaia ye kiɛ̄ doo. Jeremaia le Josaia bee yerebah nɛ̄ziī loe doo nu alee le loe gbāɛtɔ̄loo Jɛhova.

Josaia le Jeremaia bee yerebah nɛ̄ ziī loe doo nu alee

Ena o dap nɔ̄ aāloo edoba Josaia ani?— Kere sɔ̄ Josaia bee le nwiī, a bee gbī edoo nu alee. A bee suā kɔ abɔloo kɔ a yii gbo pya a wereloo Jɛhova. Muɛ̄ kɔ o sagɛ pya gbo a wereloo Jɛhova le pya edap a yerebah nɛ̄ loe doo nu alee!

BUŪ BU O KPA BAIBOL

  • 2 Nu a bee lu edoo 33:21-25; 34:1, 2; 35:25