Skip to content

Skip to secondary menu

Skip to table of contents

Jehovah’s Witnesses

Khana

Tɔgɛnu Pya O Miɔ̄ŋɔ

 Nuenɔ̄ 1

Nu-gɔā a i ɛɛrɛ bu lo esuā

Nu-gɔā a i ɛɛrɛ bu lo esuā

Ziī nɛɛ ebee a kɔge ziī gɔā ue nɛ ni?— * Kpa Baibol kɔ nu a kiiloo ziī nu gɔā alu keebee alu ekue “nu gɔā ale kaɛ.” Ale kaɛ nyɔnɛbee a aaba Bari. Esa alu ekue ye nu gɔā nyɔnɛbee pya nɛɛ̄ naā suā nu akiiloo. Kunɛ pya ɛnjɛl bee gbīnage esuā gbɛnɛkpo nu akiiloo. E nia ge a lo esuā lo nu gɔā ni?—

Ena o kɛɛrɛ kɔ pya ɛnjɛl gaa bee gbī esuā ani?

Nyɔɔnyɔɔ sɔ̄ akii adumɛ̄, Bari bee dɛm lo tuatua nɛɛ̄dam le nɛɛ̄wa. Wa bee bee kura Adam le Iv. Bari bee wa sere bu ziī be a kpedɛɛ̄ alu ekue gɔh Idɛn. Lo ale Adam le Iv bee gbaɛ̄tɔ̄loo Bari, alaba le pya wa miɔ̄ŋɔ ebee dap doo kɔ yube loo kɛnɛkɛ̄ alu Paradais doodoo gɔh Idɛn. E ba ebee tɔɔ̄dum bu paradais mmɛ̄ deedee. Ekɔ o dapge nyɛŋiābu nu Adam le Iv bee doo ni?—

Adam le Iv bee lɛɛbeekɛɛ̄ Bari, e nu anua ii le bu paradais ani’ee lo. Mɛ kerewo, Bari kɔ a gaa le kwae yube loo kɛnɛkɛ̄ kpeedɛɛ̄, e dɛ̄dɛɛ̄ nɛɛ etɔɔ̄ dum mmɛ deedee bu ɛɛbu. Edoo lo ba ama doodoo wa ni? Bu nyɔɔnyɔɔ sɔ̄, pya nɛɛ naa bee suā. A bee le nu gɔā.

Sɔ̄ Jizɔs bee lu a nyɔɔ kɛnɛkɛ̄ , a bee tɔgɛ pya nɛɛ̄ gbɛnɛ-edo nu akiiloo lo nu gɔā. A bee kɔ lo nu gɔā kiiloo Buɛ̄-mɛnɛ Bari. Jizɔs bee kɔnɛ̄ pya nɛɛ kɔ ba a yere kara kɔ Buɛ̄-mɛnɛ Bari alu. Lo Buɛ̄-mɛnɛ gaa le doo kɔ kɛnɛkɛ̄ alu ekpedɛɛ̄ Paradais.

A ɛɛrɛ ge abu loe esuā nu gɔā ama ni?— Nyɛŋiabu kɔ aba pya a gbaɛ̄tɔ̄loo Jɛhova na e tɔɔ̄dum bu Paradais a. Kpa Baibol kɔ gbɛnɛedo eloh kere akiiloo pya nɛɛ̄dam le nɛɛ̄wa abee gbaɛ̄tɔ̄loo Jɛhova inɛ. E niā ge a loe nɔ̄ nu a wa kiiloo ni?— Doo i naa sua loo pio aba le kɛ̄ l dap wa nɔ̄ doo.

BUŪ BU O KPA BAIBOL

  • Maak 4:11

  • 1 Pita 1:12

  • Jɛnɛsis 1:26-28; 2:8, 9; 3:6, 23

  • Matiu 6:9, 10

  • Le-yɔɔ 37:11, 29

^ bar. 3 Bu pya eloh ale bu nwīekpo kpa ama, o gaa le muɛ̄ enii ama (—) a nyɔnɛ pio ebip. Lee kɔ o yira kina sa nɛ̄ dee lo nwiī kɔ a ture lo ebip.