Skip to content

Skip to secondary menu

Jehovah’s Witnesses

Khana

Bu Kaka, Ekɔ Pya Ae Ua Esige Kɛ̄ Tɔɔdum Ni?

Bu Kaka, Ekɔ Pya Ae Ua Esige Kɛ̄ Tɔɔdum Ni?

O bee ture kɔ . . .

  • aii ni?

  • eeye ni?

  • dap sira doowo ni?

 NU KPA BAƐBƐL KƆ

“Aakɛ̄ bu luh ele.”—Doonu 24:15, Kpa Baɛbɛl Kaɛ.

NU LO AMA ADAP KURA NƐ

A gbɔ i nyiɛ sɔ̄ nɛɛ i bee wereloo u.—2 Kɔrint 1:3, 4.

A doo kɔ i ɛrɛ loo i aabu bɔɔ kɔ i u e.—Hibru 2:15.

Anɛ i kaana bɛabu loe sikɛ yɔ pya i bee wereloo abee u gbaaloo.—Jɔn 5:28, 29.

 I DAPGE YIRA KƆ NU KPA BAƐBƐL KƆ AMA LU KAKA NI?

Aii, a ɛrɛ taa nu anuā i yira kɔ pya ae ua esikɛ tɔɔdum:

  • Kpa Baɛbɛl kɔ Jɛhova “nɛ dɛ̄dɛɛ̄ nɛɛ dum.” (Leyɔɔ 36:9; Doonu 17:24, 25) Nɛɛ abee nɛ dum dɛ̄dɛɛ̄ nu ale dum ɛrɛge edap obara dum nɛ nɛɛ ae bee u.

  • Bari ebee lɛɛ pya nɛɛ kɛ̄ bu luh sɔ̄ akii adumɛ. Kpa Baɛbɛl nɛ kpɛa akiiloo ɛrɛtaa miɔŋɔ nɛɛ abee lu elɛɛ kɛ̄ bu luh sere dum a kɛnɛkɛ—pya zege—pya nama nɛɛ, nɛɛdam le nɛɛwa. Pio aba bee u bu nwīkere sɔ̄ mɛ ziī aba ebee tɔɔ bu li loo nia biradee!—Jɔn 11:39-44.

  • Taɛ Bari loe sikɛ doowo dɔɔna sɔ̄. Jehova baaloo luh; a ɛma-ye-dɛɛ̄ doodoo nɛɛ baa. (1 Kɔrint 15:26) Ataɛ ye lo ebe eeba lo nɛɛ baa ama, loe lɛɛ ye tɛmaloo lɛɛ nɛɛ kɛ̄ bu luh. Ataɛ ye lo e’obara pya ale bu ye ekɛɛrɛ le loe muɛ kɔ ba sikɛ le dum a kɛnɛkɛ dɔɔna sɔ̄.Job 14:14, 15.

 NAA KƐƐRƐ

Ena anua i ānā sa ua ni?

Kpa Baɛbɛl ture lo ebip ama li bu kpa JƐNƐSIS 3:17-19 le PYA ROM 5:12.

Learn More

LEYERE UE A AABA BARI!

Ena Alu Bɛābu Ale Nɛ Pya Ae Ua Ani?

Ena ai sira loo sɔ̄ i ua ni? I sigekɛ̄ muɛ̄ pya i bee wereloo ba e ua ni?