Skip to content

Skip to secondary menu

Jehovah’s Witnesses

Khana

O Ɛmadɛɛ̄ Kpa Baɛbɛl Doodoo Wa Ni?

O Ɛmadɛɛ̄ Kpa Baɛbɛl Doodoo Wa Ni?

O kɔ ɛɛ . . .

  • kpa suanu pya miɔŋɔ nɛɛ ni?

  • kpa akɔ esah loo le looge ni?

  • kpa a aaba Bari ni?

 NU KPA BAƐBƐL KƆ

“Dɛ̄dɛɛ̄ nu abee lu e’ɛm bu Kpa Kaɛ Tɛɛ̄ aabu ekɛɛrɛ Bari.”—2 Timɔti 3:16, Kpa Baɛbɛl Kaɛ.

NU LO AMA ADAP KURA NƐ

Anɛ i ture loo pya I gbɛnɛ-gbɛnɛ taaŋa bu dum.—Kam 2:1-5.

Anɛ i baɛloo adɔbiī kiiloo kɛ̄ i tɔɔdum doo ziī-ziī biradee.—Leyɔɔ 119:105.

Anɛ i kaana bɛabu kiiloo deesī.—Pya Rom 15:4.

 I DAPGE YIRA KƆ NU KPA BAƐBƐL KƆ AMA LU KAKA NI?

Aii, a ɛrɛ taa nu anuā i yira kɔ Kpa Baɛbɛl aaba Bari:

  • Alu nyɛŋia kɛ̄ pya ye ue naa be ziī doo. Abee su nu a eeloo 1,600 zua lo e’ɛm Kpa Baɛbɛl mmɛnɛ. Abee lu e’ ɛm tɛmaba nu alu 40 keekee nɛɛ. Gbɛnɛkpo aba sii gbaa zɔŋiā lɔgɔ dee. Kerewo, yube ue ale bu lo ekpo kpa naa be ziī, a aara aba ziī gbɛnɛ ekobee ue!

  • Akɔ kaka eloh kere. Gbɛnɛ-edo sɔ̄ pya awee ɛm eloh kere wee gɔ̄ ue akiiloo sɔ̄ abee lu ebe pya wa nɛɛ eeba. Bu kiiya sī, pya abee ɛm kpa Baɛbɛl bu kaka, ba bee ɛm alaba tɛɛ̄ ekwɔ le lo pya wa edo.—2 Nu abee lu edoo 36:15, 16; Leyɔɔ 51:1-4.

  • Pya mɔmanudɛɛ kpa Baɛbɛl wee lu kaka. Kpa Baɛbɛl bee bagara kɔ mɔmanudɛɛ akiiloo gbeerasī buɛ̄ Babilon akere bu nu alu 200 zua lɛɛ a gaa sira. (Aisaia 13:17-22) Naale aba sīdee ae lu egbee-ye-sī na abee muuna siā a, mɛ abee kue bee taɛ-taɛ nɛɛ ae be ye eeba!—Aisaia 45:1-3.

Booboo pya dɔɔna mɔmanudɛɛ Baɛbɛl bee dooa mmɛɛ bu dɛ̄dɛɛ̄ sīdee dookɛ abee lu ekɔ doo. Mɛ, ekɔ anaale kɛ̄ i ɛmadɛɛ kɔ Muɛ Ue Bari emɛā doolo ni?—2 Pita 1:21.

 NAA KƐƐRƐ

Bu mɛ sīdee na Kpa Baɛbɛl dap dɔbiī anɛ bu o dum ani?

Kpa Baɛbɛl ture lo ebip ama li bu kpa AISAIA 48:17, 18 le 2 TIMƆTI 3:16, 17.