Skip to content

Skip to secondary menu

Skip to table of contents

Jehovah’s Witnesses

Khana

Ba Mɛɛ̄ Na Ba Gaa Doo Nu Jɛhova Gbī Anii’ee Ani?

 NUENƆ̄ 24

Mɛ Sīdee Na Alu Esu Kpugi Yeā Kpotɛ̄ I Tam Tɛɛ̄ Ɛŋɛnɛ̄ Nyɔuwe A?

Mɛ Sīdee Na Alu Esu Kpugi Yeā Kpotɛ̄ I Tam Tɛɛ̄ Ɛŋɛnɛ̄ Nyɔuwe A?

Nepal

Togo

Britain

Bu dɛ̄dɛɛ̄ zua i bɔŋanaloo gaa ɛm sa dɔɔ̄ yaari booboo miliɔn Baibol le pya dɔɔ̄na kpa lo anaa lu ekɔ du loo. I wu sa sitam loo pya Tɔ Nɔ̄nu Buɛ̄-mɛnɛ le tɔnaa-tam. I yerebah nɛ̄ gbɛnɛ-edo baɛ boo le lop tup pya asitam Bɛtɛl le pya a zue ue bu dɔɔ̄na edo esa i yere nage ba nɛ̄ pya nɛɛ̄ sɔ̄ bugia siranu a gbeesī nu dooa. Nyɔwo o dap bip kɔ, ‘Mɛ kɛ̄ na dɛ̄dɛɛ̄ kpugi siātam ama aa ani?’

Ii wee kpɛ ziī nyɔɔ lop, biaɛ kpugi yere bee nɛɛ̄ ale tup nu. Kere adoo yere kpotɛ̄ i tam zue ue su gbɛnɛ buā kpugi ii wee bara kpugi aāba pya nɛɛ̄. Nu a yeeloo o’oo tup zua akii adumɛ̄, lo ekpo Watchtower abee nyɔnɛ lo tua ka bee kɔ, i yira kɔ Jɛhova na nɛɛ̄ ai yere kpotɛ̄ a, e doo pip-pip ii lee bara ale taāŋaloo nɛɛ̄ bu gbī yere kpotɛ̄ ei sii doowo doo pip-pip!—Matiu 10:8.

Pya i esiatam lu eyere kpotɛ̄ tɛmaloo dɔɔ̄nu a aabu benyiɛ. Gbɛnɛ-edo nɛɛ̄ tɔgɛ niā loo i tam tɔgɛ Baibol sa dɔɔ̄nu ture loo. Pya Ekeebee nɛ̄ wa sɔ̄, mɛm, kpugi le pya dɔɔ̄na nu bu ɛɛbu lo edoo nu Bari gbī tɛɛ̄ ɛŋɛnɛ̄ nyɔuwe. (1 Nu A Bee Lu Edoo 29:9) Bu Tɔ Nɔ̄nu Buɛ̄-mɛnɛ le pya i gbɛnɛ-gbɛnɛ bɔŋanaloo ekpo tɛrɛ nu bu wee le, kɛ̄ pya ba gbī etɛrɛ nu dap tɛrɛ. Gbɛnɛ-edo sɔ̄ kpugi alu e ɛrɛ wee aaba pya kunɛ̄ nɛɛ̄ ale doodoo waa ua dam alu kporo lo Jizɔs bee leera abee tɛrɛ baɛ nwiīgbagbara kpugi kɛ̄ kpooge kpugi bu tɔ kaɛ a. (Luk 21:1-4) Bu lo sīdee ɛrɛgeba nɛɛ̄ aā ziī sɔ̄ mmɛ ziī dap “sere” nu enɛ̄ ‘dookɛ̄ benyiɛ ye tɔ̄ doo.’—1 Pya Kɔrint 16:2; 2 Pya Kɔrint 9:7.

I suā leere kɔ Jɛhova e kiisī loe zū benyiɛ pya nɛɛ̄ ba gbī ‘enwadɛɛ̄ Jɛhova tɛmaloo nu ba ɛrɛ,’ loe yere kpotɛ̄ tam Buɛ̄-mɛnɛ lokwa nu a gbī lu edoo mmɛ.—Kam 3:9.

  • Ena adoo kɔ i bɔŋanaloo alu kee aaloo pya dɔɔ̄na sīdee yigabari a?

  • Mɛ sīdee na pya lo dɔɔ̄nu a aabu benyiɛ wee lu esu daānu ani?