Skip to content

Skip to secondary menu

Skip to table of contents

Jehovah’s Witnesses

Khana

Ba Mɛɛ̄ Na Ba Gaa Doo Nu Jɛhova Gbī Anii’ee Ani?

 NUENƆ̄ 16

Ena Alu Tam Pya Yerebah tam a?

Ena Alu Tam Pya Yerebah tam a?

Myanmar

Ga loo enɔānu

Eku pya zue ue

Kwaloo Tɔ Nɔ̄nu Buɛ̄-mɛnɛ

Baibol kɔ bagitɛ̄ baɛ eku Pya Nɛɛ̄ Kraist ba lu pya nɛɛ̄dam ba wee aa baloo tam bu bɔŋanaloo, lo ale, ‘pya kuūdɛɛ̄ loo le pya yerebah tam.’ (Pya Filipai 1:1) Bu ziī ziī bɔŋanaloo, nu a yeeloo ziī ale baɛ nɛɛ̄ kanɛɛ̄ ale pya yerebah tam wee le gaa sitam. Amunu tam lo ili dap ɛrɛ biī aā loo na pya yerebah tam gaa si ani?

Ba yerebah nɛ̄ pya kanɛɛ̄. Pya yerebah tam ɛrɛ kaānā gbaniāloo a agatɛ̄ kumaloo Jɛhova, ba bɔ dɛrɛ nyiɛ nyɔɔ, pya wuga nɛɛ̄dam a ɛrɛ kaānā benyiɛ, pio le zege pio e ānā. Ba aa baloo pya gbɛnɛ tam a bɔloo, tam siāba loa wee lu esi ziī ziī sɔ̄ le pya dɔɔ̄na tam bu bɔŋanaloo. Lo ama doo kɔ pya kanɛɛ̄ a sere ekɛɛrɛ nyɔɔ tɔgɛnu le tam kuūdɛɛ̄ loo.

Ba si pya tam a dɔbiī. Pio pya yerebah tam lu enɛ̄ wa tam su baɛ ba suā pya alu enɔānu nyima. Pya dɔɔ̄na wee kuūdɛɛ̄ loo nu kɔā ue, nɛ̄nɛ̄ kpa, kuūdɛɛ̄ loo kpugi le dɔ̄dɔɔ̄ kɛ̄ esiatam zue ue nɛ̄ pya wuga bu bɔŋanaloo. Ba yerebah loo tam kwaloo Tɔ Nɔ̄nu Buɛ̄-mɛnɛ. Pya kanɛɛ̄ dap nɔɔ̄ kɔ ba a yerebah nɛ̄ pya wuga ae ānā. Wa su loo nɛ̄ ɛrɛgeba tam alu enɛ̄ wa ama doo kɔ pya wuga bu bɔŋanaloo anɛ̄ wa enwādɛɛ̄ loo wa eaga tam.—1 Timɔti 3:13.

Ba sere le edoba doodoo Pya Nɛɛ̄ Kraist. Pya yerebah tam lu etubo wa baloo nyɔbee wa le elap doodoo Nɛɛ̄ Kraist. Sɔ̄ ba aa baloo ekɔaue bu bɔŋanaloo ba yere mɛmloo i yira. Tɛmaloo wa le edoba bu tam zue ue ba yerebah inɛ̄ kɔ i ɛrɛ taɛ bu tam zue ue. Tɛmaloo gba beeba pya kanɛɛ̄, ba nyimɛ ɛɛŋa le gbaaloo. (Pya Ɛfɛsɔs 4:16) Sɔ̄ sɔ̄ gaa kiisī, ba dap nyim tura loe sitam doodoo nɛɛ̄ kanɛɛ̄.

  • Pya yerebah tam lu mɛ dua nɛɛ̄ ni?

  • Bu mɛ sīdee na pya yerebah tam yerebah kɔ tam bu bɔŋanaloo a kiisī leere a?