Skip to content

Skip to secondary menu

Skip to table of contents

Jehovah’s Witnesses

Khana

Ba Mɛɛ̄ Na Ba Gaa Doo Nu Jɛhova Gbī Anii’ee Ani?

 NUENƆ̄ 2

Ena anua alu ekue i Pya Ekeebee Jɛhova ani?

Ena anua alu ekue i Pya Ekeebee Jɛhova ani?

Noa

Abreham le Sera

Mozis

Jizɔs Kraist

Gbɛnɛ-edo nɛɛ̄ kɛɛrɛ kɔ bee akura, Pya Ekeebee Jɛhova, lu bee ziī aā yiga Bari. Kerewo, bu nu a yee loo 2,700 zua akii adumɛ̄, pya zooro aba lo kaka Bari bee lu esuā wa loo doodoo pya ye “ekeebee.” (Aisaia 43:10-12) Lɛɛ aalu zua 1931, i bee kura pya nɔ̄ Baibol. Ena anua i bee sagɛ lo bee Pya Ekeebee Jɛhova a?

I bee, doo kɔ alu esuā loo ilii Bari. Bee Bari Jɛhova sira booboo sɔ̄ bu pya nama ebakpa abee lue ɛm Baibol bu a dee kere. Bu gbɛnɛ-edo tatap Baibol ba su esobee ale doodoo Nɛɛ̄-a-i-ɛrɛ le Bari yere dɔ ye bee. Kerewo, lo kaka Bari bee siā ye loo nɛ̄ Mozis tɛmaloo taɛ taɛ ye bee, Jɛhova, sa kɔ: Lo “ama na na bee mmɛ deedee a.” (A’aa 3:15) Bu lo sīdee ama abee sere yeloo nuā kee aāloo dɛ̄dɛɛ̄ nwīekwɔ bari. I ɛɛŋa loe yira bee Bari ale kaɛ ama.

I bee, bagitɛ̄ i tam. Gbɛnɛ-edo pya nɛɛ̄ Bari a dee kere, bɔātɛ̄ aāloo nɛɛ̄ kaānā dogo Ebɛl bee yira ekeebee kumaloo wa yira bu Jɛhova. Booboo zua akii adumɛ̄ Noa, Abreham, Sera, Mozis, Devid, le pya dɔɔ̄na bee gbaaloo lo ‘gbɛnɛ eku pya ekeebee ale doodoo zii bunyɔɔ’ ama. (Pya Hibru 11:4–12:1) Dookɛ̄ ziī nɛɛ̄ dap yira ekeebee li tɔbiaɛ nyɔɔ nɛɛ̄ ue naa bee doo, ili ie biaɛrafii loe doo kɔ kaka ue akiiloo Bari alu esuā.

I gaa nɔ̄ Jizɔs. Baibol kue ye “nɛɛ̄ ekeebee a bɔloo eture nyiɛ loo lunage nɛɛ̄ kaka.” (Mumuuna 3:14) Jizɔs alɛɛ loo bee kɔ ‘m edoora kɔ ba a suā o bee’ sa gaa kiisī loe ‘yira ekeebee nɛ̄ kaka ue’ akiiloo Bari. (Jɔn 17:26; 18:37) Nyɔwo, pya kaka Nɛɛ̄ Kraist ɛrɛ e yira bee Jɛhova sa doo nage kɔ pya nɛɛ̄ a suā lo bee. Lo ba ama na nu Pya Ekeebee Jɛhova gaa piiga loe doo a.

  • Ena anua Pya nɔ̄ Baibol sagɛ lo bee Ekeebee Jɛhova nɛ̄ wa loo a?

  • Bu nyɔɔnyɔɔ sɔ̄ ale doodoo wa na Jɛhova e ɛrɛ Pya Ekeebee a nyɔɔ kɛnɛkɛ̄ ani?

  • Mɛɛ̄ na alu lo gbɛnɛ nɛɛ̄ Ekeebee Jɛhova a?