Skip to content

Skip to secondary menu

Skip to table of contents

Jehovah’s Witnesses

Khana

Ba Mɛɛ̄ Na Ba Gaa Doo Nu Jɛhova Gbī Anii’ee Ani?

Ena Alu Nu Bari Gbī Ani?

Ena Alu Nu Bari Gbī Ani?

Bari gbī kɔ i tɔɔ̄ bu efɛɛloo le ɛɛbu bu paradais a nyɔɔ kɛnɛkɛ̄ mmɛ deedee!

Kerewo, o dap kɛɛrɛ, ‘lo ama etɛɛ̄ doodoo wa sira?’ Baibol kɔ Buɛ̄-mɛnɛ Bari edoo kɔ lo ama a dooa, e Bari gbī kɔ dɛ̄dɛɛ̄ nɛɛ̄ a nɔ̄ nu akiiloo lo Buɛ̄-mɛnɛ le ye ekɛɛrɛ ai kiiloo.—Le-yɔɔ 37:11, 29; Aisaia 9:7.

Bari gbī kɔ i dɔbiī nɛ̄ ilii loo.

Dookɛ̄ le tɛ wee kɛɛrɛ nu a lee loo pya ye miɔ̄ŋɔ doo, ilii tɛ ale li bunyɔɔ gbī kɔ i ɛrɛ ɛɛbu mmɛ deedee. (Aisaia 48:17, 18) Bari yira yii kɔ “nɛɛ̄ a doo nu Bari gbī etɔɔ̄ mmɛ dee anaatah.”—1 Jɔn 2:17.

Bari gbī kɔ i kiā bu dɛ̄dɛɛ̄ ye dee.

Baibol kɔ nɛɛ̄ abee i dɛm gbī “etɔgɛ i dɛ̄dɛɛ̄ ye dee,” lokwa i dap ‘kiā bu dɛ̄dɛɛ̄ ye nwiīdee.’ (Aisaia 2:2, 3) Ae bɔŋɛnɛloo ziī eku pya “nɛɛ̄ nɛ̄ ye bee” lo edoo kɔ ye ekɛɛrɛ alu esuā tɛɛ̄ ɛŋɛnɛ̄ dɛ̄dɛɛ̄ nyɔuwe.—Doonu 15:14.

Bari gbī kɔ i gbaaloo bu e taāŋa-ye-ba.

Taāŋaba Jɛhova a loga gba pya nɛɛ̄ loo ziī bu kaānā wereloo taā adoo kɔ pya nɛɛ̄ a pooa. (Jɔn 13:35) Ba mɛɛ̄ anii’ee na ba gaa tɔgɛ nɛɛ̄dam le nɛɛ̄wa ale dɛ̄dɛɛ̄ kɛ̄, kɛ̄ e taāŋaba Bari bu gbaaloo doo ani? I kue a kɔ o gbītɛ̄ lo ba ama suā tɛmaloo nwīekpo kpa ama.

 

Learn More

Bip Kɔ Alu Enɔɛ̄ a

Wee Lu E Aaba Loo Enɔānu Baibol Doodoo Wa?

Tɛɛ̄ ɛŋɛnɛ nyɔuwe, Pya Ekeebee Jɛhova wee nyɔɔnɛ pya nɛɛ nɔ Baibol lo ba naa su kpugi loo bu pya sīdee a waɛ eddābeeloo. Muɛ̄ kɛ̄ a wee lu esere baloo doo.

Bip Kɔ Alu Enɔɛ̄ a

Ena Anua I Nɔ̄ Kpa Baɛbɛl Ani?

Kpa Baɛbɛl gaa yerebah nɛ gbɛnɛkpo miliɔn pya nɛɛ bu yube nyɔuwe loe gbī ture pya gbɛnɛ-gbɛnɛ ebip bu dum muɛ̄. Enia age lo elu ziī aba ni?