Skip to content

Skip to secondary menu

Skip to table of contents

Jehovah’s Witnesses

Khana

Leyere Ue A Aaba Bari!

 NUENƆ 13

Ena Alu Leyere Ue Akiiloo Sīdee Taāŋaba Ani?

Ena Alu Leyere Ue Akiiloo Sīdee Taāŋaba Ani?

1. Elua dɛ̄dɛɛ̄ sīdee taāŋaba lee ge ni?

Pya nɛɛ̄ a ɛrɛ le ekɛɛrɛ le bu dɛ̄dɛɛ̄ sīdee taāŋaba. Alu leyere ue loe suā kɔ Bari muɛ̄ pya nɛɛ̄ ale doowo sa wa kuūdɛɛ̄ loo. Mɛ alu nu ekiɛ̄nu kɔ elua esu sīdee taāŋaba daā bag bag dogo. (2 Pya Kɔrint 4:3, 4; 11:13-15) Dookɛ̄ kpɛa kɔ doo, pio sīdee taāŋaba ɛrɛ ba bu yegere bɔɔ, fɛ pio edo sakɛ̄, benɔ̄, le gbee gbomiɔ̄ŋɔ. Ɛp kɛ̄ lo ama biire bu kaānā pya a yira loo Bari dooa!Buū Matiu 24:3-5, 11, 12.

Kuma sɔ̄ kaka taāŋaba nɛka Bari a, ekwɔ sīdee taāŋaba biire ye bu. Ba tɔgɛ pya nu anaale bu Baibol, gbaāloo pya tɔgɛnu anaa lu kaka akiiloo Bari le pya ae ua. Mɛ Jɛhova gbī kɔ pya nɛɛ̄ asuā kaka aye kiiloo.Buū Ezekiel 18:4; 1 Timɔti 2:3-5.

2. Ena alu leyere ue akiiloo sīdee taāŋaba ani?

Alu nu ɛɛbu kɔ, Bari naa dap lu e dag tɛ̄maba pya sīdee taāŋaba a daādaā kɔ ba were–eye-loo, mɛ, bu kaka, ba wereloo nyɔuwe pɔrɔ edɔɔ̄. (Jemes 4:4) Muɛ̄ Ue Bari su dɛ̄dɛɛ̄ ekwɔ sīdee taāŋaba kure “Babilon lo Gbɛnɛ.” Babilon bee le gbɛnɛ buɛ̄ a kere, kɛ̄ ekwɔ sīdee taāŋaba bee bɔātɛ̄ sɔ̄ Yii maā dee Noa etɛ̄na. Sɔ̄ naalee binia, Bari gaa le su bugia kuma nuā loo sīdee taāŋaba a dag sa bii pya nɛɛ̄ kumakɛ̄.Buū Mumuuna 17:1, 2, 5, 16, 17; 18:8.

Gbɛnɛ-edo leyere ue le. Jɛhova sii ibere pya nɛɛ̄ le benyiɛ ba le yɛɛ ekwɔ sīdee taāŋaba ale bu dɛ̄dɛɛ̄ nyɔuwe. A gaa su pya nɛɛ̄ ama gbaloo ziī tɛmaloo e tɔgɛ wa kaka ue.Buū Maika 4:2, 5.

 3. Ena pya nɛɛ̄ le benyiɛ edoo ani?

Kaka sīdee taāŋaba gaa su pya nɛɛ̄ gbaloo ziī

Jɛhova kuūdɛɛ̄ loo pya nɛɛ̄ a wereloo nu alu kaka sa lee. A zū wa kɔ ba a aabu ekwɔ sīdee taāŋaba. Pya nɛɛ̄ a wereloo Bari kpɛ̄naloo enyaā loe doo nu a ye nia.Buū Mumuuna 18:4.

Bu tua sɔ̄ o’oo tup zua a, sɔ̄ pya nɛɛ̄ le-benyiɛ bee dā leyere ue aānu pya nɛɛ̄ lɛɛratam, ba bee su ɛɛbu suā. Ba bee nɔ̄ aā sīdee tɔɔ̄dum aāba Jɛhova. Sīdee tɔɔ̄dum a nua ɛɛbu le bɛābu. Ba lu le edoba inɛ anii’ee, nyɔnɛbee ba doo dogo kumaloo leyere ue tɛmaloo esu Jɛhova nuā tua tua bu wa dum.Buū 1 Pya Tɛsalɔnaika 1:8, 9; 2:13.

Jɛhova su baɛ bah suā pya a aabu ekwɔ sīdee taāŋaba yere yɛɛ pya aye taāŋaba. Lo ale o su baɛ bah suā kue Jɛhova, o lu ye gbo, sa yii yɛɛ ziī aā eku pya a gbaa taāŋaba Jɛhova, sa o ɛrɛ dum anaatah.Buū Maak 10:29, 30; 2 Pya Kɔrint 6:17, 18.

4. Bu mɛ sīdee na Bari esu ɛɛbu nua bu yube nyɔuwe a?

Alu leyere ue kɔ elu egbeesī ekwɔ sīdee taāŋaba. Ae agara pya nɛɛ̄ lɛɛ kɛ̄ ba biinɛkɛ̄ bu yube nyɔuwe. Ekwɔ sīdee taāŋaba naale esīnakɛ̄ dag pya nɛɛ̄ sa yere epoo epoo lɔgɔ sɔ̄. Dɛ̄dɛɛ̄ nɛɛ̄ ae tɔɔ̄dum e gbaaloo bu taāŋaba aba lo kaka Bari.Buū Mumuuna 18:20, 21; 21:3, 4.