Skip to content

Skip to secondary menu

Skip to table of contents

Jehovah’s Witnesses

Khana

Leyere Ue A Aaba Bari!

 NUENƆ 15

Ena Anua O Kiisī Loe Nɔ̄ Baibol Ani?

Ena Anua O Kiisī Loe Nɔ̄ Baibol Ani?

1. Kiisī loe nɔ̄ Baibol edɔbiī anɛ doodoo wa ni?

Baɛ benyiɛ naale loo, sikɛ̄ tɛɛ̄ nyɔɔ pya kpog bee tɔgɛnu Baibol ama, eyere mɛmloo o wereloo kiikɛ̄ Jɛhova le. Lo wereloo gbī kɔ alu e sitam loo dɛ̄dɛɛ̄ sɔ̄. (1 Pita 2:2) O bɛābu dum anaatah dɛɛa nyɔɔ o kiisī lo etɔɔ̄ waɛloo Bari tɛmaloo enɔ̄ ye Muɛ̄ Ue.Buū Jɔn 17:3; Jud 21.

Kuma sɔ̄ o nyim bu suānu Bari, o yira e agaloo. Yira e yerebah anɛ kɔ, o doo nu Bari gbī. (Pya Hibru 11:1, 6) Ezū a kɔ o kiiya sa nyaanā o dum bu sīdee edɔbiī anɛ̄.Buū Doonu 3:19.

2. Bu mɛ sīdee na o suānu Bari edɔbiī nɛ pya dɔɔ̄na ani?

O dap nyɔnɛ̄ Jɛhova ɛnia keebee gbanialoo

Dookɛ̄ ale doo, eniā a loe yɔ pya dɔɔ̄na ponia nu oe nɔā—wee ɛɛrɛ bu dɛ̄dɛɛ̄ ii loe kɔ leyere ue. Kuma sɔ̄ o kiisī loe nɔ̄ Baibol, o nɔ̄ kɛ̄ esu Baibol kɔā o yira bu Jɛhova le lo leyere ue siā doo.Buū Pya Rom 10:13-15.

Gbɛnɛ-edo nɛɛ̄ bɔātɛ̄ tɛ̄maloo ezue leyere ue nɛ pya wa gbo ale wa mana mana. Su kari daā. Taā o kɔ wa sīdee taāŋaba lu ekwɔ, kɔ nu akiiloo yii Bari wa nɛ. Nyɛŋia nage bu kɔ, fɛgɛ dogo wee nia pya nɛɛ̄ gbɛnɛ ee nu o kɔ.Buū 2 Timɔti 2:24, 25.

3. Amunu gbanialoo loo Bari na o dap ɛrɛ ani?

Nɔ̄ Muɛ̄ Ue Bari e yerebah anɛ kɔ o nyim bu edɔɔ̄. Bu kpɛdumɛ̄, o nyɔnɛ Jɛhova ɛnia keebee gbaniāloo. Bu kaānā loo, o dap lu ziī yɛɛ pya ye butɔ.Buū 2 Pya Kɔrint 6:18.

 4. O tɛɛ̄ doodoo wa nyim kiisī ni?

O nyim kiisī bu taāŋaba Bari tɛ̄maloo e kiisī loe nɔ̄ Muɛ̄ Ue Bari. (Pya Hibru 5:13, 14) Kɔ nɛ ziī nɛɛ̄nɛɛ̄ Ekeebee Jɛhova kɔ asu kpa akura What Does the Bible Really Teach? a nyɔnɛ nɔā Baibol. Kuma sɔ̄ o kiisī lo enɔ̄ Muɛ̄ Ue Bari, kɛ̄ o nyim nage kiisī bu o tɔɔ̄dum doolo.Buū Le-yɔɔ 1:1-3; 73:27, 28.

Lo leyere ue aaba Jɛhova, lo Bari ɛɛbu. O dap ye tɔɔ̄ waɛloo tɛ̄maloo etɔɔ̄ waɛloo pya ye nɛɛ̄nɛɛ̄. (Pya Hibru 10:24, 25) Tɛ̄maloo o piiga loe ɛɛrɛ bu Jɛhova, o gaa nyim ina loo kaānā dum lo ale dum anaatah. Tɔɔ̄ waɛloo Bari na kaānā nu alee eera o dap doo a.Buū 1 Timɔti 1:11; 6:19.

 

Learn More

Bip Kɔ Alu Enɔɛ̄ a

Ena Anua I Nɔ̄ Kpa Baɛbɛl Ani?

Kpa Baɛbɛl gaa yerebah nɛ gbɛnɛkpo miliɔn pya nɛɛ bu yube nyɔuwe loe gbī ture pya gbɛnɛ-gbɛnɛ ebip bu dum muɛ̄. Enia age lo elu ziī aba ni?