Skip to content

Skip to secondary menu

Skip to table of contents

Jehovah’s Witnesses

Khana

Ena Baibol I Dap Tɔgɛ Ani

Ena Alu Ekɛɛrɛ Bari I Kumaloo Ani?

Ena Alu Ekɛɛrɛ Bari I Kumaloo Ani?

SƆ̄ O buū kpa a kɔ nu a gaa sira, o ɛp tɛlɛvisɔn, ale o gbaɛ̄tɔ̄ ekpo yɔɔ, o muɛ̄ sa dā kɛ̄ bag dogo, nɔ̄ le yere bɔɔ gaa sira gbɛnɛ doo. Naa daba, taɛ olo le bu taāŋa nyɔɔbee loo a dumɛ ale nyɔɔbee nɛɛ o wereloo u.

Bip oloo:

  • Lege nu Bari gbī kɔ a sira mɛ loo le na butɔ na ama ni?

  • Mɛ kɛ̄ na m dap ɛrɛ yerebah loo pya na taāŋa aā a?

  • Ekɔ kaāna efɛɛloo elege ni?

Baibol nɛ kaāna ture loo pya ebip ama.

 BAIBOL TƆGƐ KƆ BARI GAA LE DOO PYA NU ALU NYƐŊIA A KƐNƐKƐ̄.

  • Loo pya nɛɛ naale edumɛ na, ba naale e’ana na, e ba naale e’u na.​—Mumuuna 21:4

  • “Nɛɛ kɔgah e pɛɛ doodoo loo.”​—Aisaia 35:6

  • “Dɛɛ̄ pya zima dɛɛ̄ eyeea.”​—Aisaia 35:5

  •  Elu edoo kɔ pya e’ua a sikɛ̄ tɔɔ̄dum.​—Jɔn 5:​28, 29

  • Loo lɔgɔ nɛɛ naale edumɛ na.​—Aisaia 33:24

  • Dɛ̄dɛɛ̄ nɛɛ a le a kɛnɛkɛ̄ e ɛrɛ gbɛnɛ-edo nuede.​—Le-yɔɔ 72:16

 ƐRƐ BIĪ AĀLOO PYA NU BAIBOL TƆGƐ

Waɛ ekɛɛrɛ kɔ pya nu o buū pio naɛsī akii dumɛ a, naale edoo a. Mɛ, Bari e yira yii lo e nyaana pya kɛ̄tɔɔ̄ ama sɔ̄ sɔ̄ naa biniā. E Baibol baatɛ̄ kɛ̄ edoo doo.

Baibol kɔ emanyɔɔ wo. A kɔ i nɛ nu a i bɛɛ̄ esuā lokwa i ɛrɛ kaāna ɛɛbu le ekpeloo dum a taɛ nyaawo. Naa kɛɛrɛ kina, pya nu a gaa a nɛ taāŋa. Dap lu naɛbah ale taāŋa butɔ, dumɛloo, ale sɔ̄ nɛɛ o wereloo u. Baibol dap a yerebah nɛ lo e tama pya taāŋa ama. A dap nage a gbɔ̄nyiɛ̄ tɛ̄maloo a agara pya ebip ama:

 O buū kpa ama anyaawo tɔgɛ kɔ o gbī esuā nu Baibol tɔgɛ. Kpa ama e yerebah a nɛ. Ɛrɛ pya ebip a le nɛ pya ye barakpaɛ̄, lo e yerebah a nɛ kɔ o dābeeloo Baibol leere. Gbɛnɛ-edo miliɔn pya nɛɛ e’ɛrɛ ɛɛbu aāloo nyɔɔnɛ Pya Ekeebee Jɛhova kɔnia ue a aabu Baibol. I kɛɛrɛ kɔ e nua nage ɛɛbu loo olo. Doolo Bari a nɛ leelee kuma sɔ̄ o gaa gbītɛ̄ nu Baibol dap a tɔgɛ!

Learn More

Bip Kɔ Alu Enɔɛ̄ a

Ena Anua I Nɔ̄ Kpa Baɛbɛl Ani?

Kpa Baɛbɛl gaa yerebah nɛ gbɛnɛkpo miliɔn pya nɛɛ bu yube nyɔuwe loe gbī ture pya gbɛnɛ-gbɛnɛ ebip bu dum muɛ̄. Enia age lo elu ziī aba ni?

Bip Kɔ Alu Enɔɛ̄ a

Wee Lu E Aaba Loo Enɔānu Baibol Doodoo Wa?

Tɛɛ̄ ɛŋɛnɛ nyɔuwe, Pya Ekeebee Jɛhova wee nyɔɔnɛ pya nɛɛ nɔ Baibol lo ba naa su kpugi loo bu pya sīdee a waɛ eddābeeloo. Muɛ̄ kɛ̄ a wee lu esere baloo doo.

BA MƐƐ̄ NA BA GAA DOO NU JƐHOVA GBĪ ANII’EE ANI?

Pya Ekeebee Jɛhova Lu Pya Mɛ Dua Nɛɛ̄ Ni?

Ku nɛɛ̄ yɛɛ Pya Ekeebee Jɛhova olo suā loo ni?Taɛ taɛ ena o suā ai kiiloo ani?