Skip to content

Skip to secondary menu

Skip to table of contents

Jehovah’s Witnesses

Khana

Ture loo 10 ebip pya zege bip

 EBIP 4

Sɔ̄ M Tɛɛ̄ Ekwɔ M Aaba Loo Doodoo Wa?

Sɔ̄ M Tɛɛ̄ Ekwɔ M Aaba Loo Doodoo Wa?

NU ANUĀ ALU EBƐƐ̄

Nyɔbee yiga o ekwɔ edoo kɔ o lu nɛɛ a nyim tura sa bɔloo eture nyiɛ̄ loo.

ENA O DOO ANI?

Naa kɛɛrɛ kɛ̄tɔɔ̄ ama: Tim gaa bee yɔ pya ye gbo bira bii, a top dɛm tubo nwiībū taŋaligi nɛɛ le ɛɛ le, elo taŋaligi bee u.

Lo ale olo na Tim a, ena o bee doo a?

YIRA KINA SA KƐƐRƐ!

O ƐRƐ TAA NU O DAP DOO:

  1. O teera.

  2. O dɛrɛ bee dɔɔ̄na nɛɛ.

  3. O kɔ nu asira nɛ o nɛɛ le ɔɔ le, sa bara kɔ o kwa e.

Nyiɛ a dap kɔ o su lo tua Nu Esagɛ (A). Mɛ, ɛrɛ gbɛnɛ-edo nu anua alee kɔ o yiga oe kwɔ—ale alu fɛ nwiībū taŋaligi ale dɔɔ̄na nu.

 TAA NU ANUA O YIGA O EKWƆ

  1. lera loe doo wo.

    Kpa Baibol kɔ: “Lee kɔ i kɔ kaka bu dɛ̄dɛɛ̄ nu.”—Pya Hibru 13:18, NW.

  2. Wee waɛbah pya nɛɛ loe aaloo nɛ pya a yira wa ekwɔ.

    Kpa Baibol kɔ: “Nɛɛ a gɔ̄ dɛ̄dɛɛ̄ ye doo gbee naale e kiisī leere, mɛ nɛɛ a wa kɔ siā sa wa aaloo gaa le ɛrɛ toesaɛ̄.”—Kam 28:13.

  3. Eenyɔɔ dɛ̄dɛɛ̄ ɛɛ, a ɛɛrɛ bu Bari.

    Kpa Baibol kɔ: ‘Nɛɛ a kɔ esah lu saāŋa loo Jɛhova; mɛ pya a yira kaāna na a ture nyiɛ loo a.’—Kam 3:32.

Karina ae lua 20 zua, bee gbī egɔ̄ ziī kere kpa a bee tɔgɛ kɔ a dɔ lok bah pya Polisi lɛɛ loo ye tɛ. Mɛ anaa le edap gɔ̄ mmɛ kere. “Karina kɔ: Sɔ̄ nu adap lu ziī zua etɛ̄na, na tɛ bee muɛ̄ lo kere kpa na bee le nyɔɔ. M bee yii bu gbɛnɛ taāŋa!”

Ena i nɔ̄ aāloo ani? Karina bee kɔ: Gɔ̄ o ekwɔ edoo kɔ nu a bee a piya loo yee kɛ̄. Ɛrɛge e sira-pie sɔ̄ a esaa!”

KƐ̄ ENƆ̄ NU AĀLOO O TƐƐ̄ EKWƆ DOO

Kpa Baibol kɔ: “Dɛ̄dɛɛ̄ ii tɛɛ̄ ekwɔ bu booboo nu.” (Jemes 3:2) E dookɛ̄ ie mɔna doo, sɔ̄ o yiga o tɛɛ̄ ekwɔ, alu nu atɔgɛ kɔ o kumaloo kɛ̄ le kɔ oe yima tura nɛɛ—le loe doo wo aba sɔ̄.

Dɔɔ̄na nu edoo na nɔ̄ nu aāloo o ekwɔ. Ziī nwiī nɛɛwa a kura Vera bee kɔ: “M wee piiga loe ɛmadɛɛ̄ ziī ziī na ekwɔ nuā nu m nɔ̄ nu aāloo. E yerebah mɛ nɛ kɔ m lu nɛɛ a nyim tura sa dap aa baloo lo dua kɛtɔɔ̄ ama bu sīdee alu kee dɔɔ̄na sɔ̄.” Doo i naa ɛp sīdee o dap doo wo.

O bara kpe o tɛ sa a gbe a bia bah. Ena o doo ani?

  • O ubepiī sa kɛɛrɛ kɔ o tɛ naale esuā.

  • O kɔ taɛ nu asira nɛ o tɛ.

  • O kɔ taɛ nu asira nɛ o tɛ, mɛ o dɛrɛ bee dɔɔ̄na nɛɛ.

O dɔ loo ɛmā-ɛp nyɔbee oo bee nɔ̄ nu. Ena o doo ani?

  • O kɔ lo ɛmā-ɛp aga ereloo.

  • O yiga kɔ o dɔ-dɔ lue a bah.

  • O kɔ bu o nɛɛ tɔgɛnu biira a loo.

Sɔ̄ o bialoo bura ekwɔ o bee tɛɛ̄ sɔ̄ a kii adumɛ, le doodoo sɔ̄ o bialoo ɛp dumɛ sɔ̄ o gaa ɔp fah

 Nyawo sikɛ̄ kɛɛrɛ bu pya kɛ̄tɔɔ̄ ama sa su o loo sere dɔ (1) o tɛ le (2) o nɛɛ tɔgɛnu. Ena o tɛ le o nɛɛ tɔgɛnu ekɛɛrɛ a kumaloo lo o yiga o ekwɔ aba sɔ̄ ani? Lo ale o gɔ̄ o ekwɔ, ena ba ekɛɛrɛ a kumaloo ani?

Nyawo, kɛɛrɛ bu loo ziī ekwɔ o bee tɛɛ̄ bu zua akii adumɛ a, sa agara pya ebip ama.

Ena a bee lu lo ekwɔ a? O bee aa baloo doodoo wa?

  • M bee gɔ̄.

  • M bee dɛrɛ dɔɔ̄na nɛɛ.

  • M bee yiga na ekwɔ aba sɔ̄.

Lo oo bee yiga o ekwɔ, sɔ̄ a esaa bee a tɔɔ̄loo doodoo wa?

  • Lee niā—lɔgɔ nɛɛ naa bee suā!

  • Kiɛ̄ mɛ—m bee kɔ kaka.

O bee dap aa baloo lo kɛ̄tɔɔ̄ leere doodoo wa?

Ena o nɔ̄ aāloo o ekwɔ a?

ENA O KƐƐRƐ A?

Ena anua pio nɛɛ naa wee yiga wa tɛɛ̄ ekwɔ ani?

Ena pya nɛɛ edap a kɛɛrɛ kumaloo a, lo ale o wee gɔ̄ o ekwɔ dɛ̄dɛɛ̄ sɔ̄ a, mɛ ena pya nɛɛ edap a kɛɛrɛ kumaloo a, lo ale o wee yiga o ekwɔ dɛ̄dɛɛ̄ sɔ̄ ani?—Luk 16:10.