Skip to content

Skip to secondary menu

Skip to table of contents

Jehovah’s Witnesses

Khana

Ture loo 10 ebip pya zege bip

 EBIP 3

Bu Mɛ Sīdee Na M Dap Kɔ Ue Nɛ Na Tɛ Le Na Ka Ani?

Bu Mɛ Sīdee Na M Dap Kɔ Ue Nɛ Na Tɛ Le Na Ka Ani?

NU ANUĀ ALU EBƐƐ̄

Kɛ̄ o nyɔnɛ o tɛ le o ka kuūnɛ muɛ̄ doo, kɛ̄ o dum elee nage doolo.

ENA O DOO ANI?

Naa kɛɛrɛ kɛ̄tɔɔ̄ ama: Abee le uunɛ Taadeeloo kaɛ. Geoff ae lua 17 zua bee gbī eseea sɔ̄ a esia ye tam butɔ sah! A bee yere TV nyɔɔ sa ɛŋɛtɛ̄ bu kasi awee ye niā gbɛnɛ.

Taɛ lo sɔ̄ a, ye tɛ yii nutɔ sa bu ye naa ɛɛ.

“Geoffrey! Ena anuā o gaa pee sɔ̄ ɛp TV sɔ̄ o bee le gaa yerebah nɛ o nwiīgbagbara wuga lo edoo nu ba bee ye nɛ aā tɔkpa ani? Oo wee doo nu ba kɔ o doo lɔgɔ sɔ̄!”

Geoff num siā nyɔɔ kɔ: “Kɛ̄ bui wee doo na ama e.”.

Daɛ kiā kina ye pii, sa kɔ; “O kɔ wa, a nɛɛdam?”

Geoff kɔ: “Naale lɔgɔ nu, a Daɛ,” lɛɛ adoo kwip sa ye gbaɛ̄ dɛɛ̄.

Nyawo bu Daɛ biira gbɛnɛ. Sa a kɔ bu eaga muɛ̄: “Oa mɛ kɔ ue nɛ doowo ama!”.

Lo ale o bee le Geoff, o bee doodoo wa lokwa aŋa aŋa ama naa sira?

YIRA KINA SA KƐƐRƐ!

Nyɔnɛ o ka le o tɛ kɔnia ue le doodoo sɔ̄ o gaa ɔp fah. Lo ale ba be dee o bee tɛɛ̄, o dap tɛɛ̄ dɔɔ̄na dee.

 BU EDOBA:

Ziī nwiīnɛɛwa a kura Leah bee kɔ: “A aga mɛ bah loe nyɔnɛ na tɛ kɔnia ue. Pio sɔ̄, sɔ̄ m ekɔa ue ye nɛ kina, a aadee kɔ, ‘Pii-nu, o gaa bee mɛ kɔ ue nɛ ni?’”

LEAH ƐRƐ NU ALUGE TAA NU A DAP DOO.

  1. E pɔm bee ye tɛ.

    Leah pɔm, sa kɔ “Gbaɛ̄tɔ̄ a, ue ama lu gbɛnɛ a!”

  2. E ɔbɛ ekɔ ue nɛ ye tɛ.

    Leah aadee ɔbɛ ekɔ ye taāŋa nɛ ye tɛ.

  3. E baɛ sɔ̄ a bɔloo, lɛɛ a sikɛ̄ kɔ lo ue.

    Sɔ̄ ae saa, Leah e kɔ ue nɛ ye tɛ sī le sī ale e’ɛm ye taāŋa bu lɛta ye mā.

Amunu yɛɛ taa pya nu ama na o bee kɔ Leah a doo a?

NAA KƐƐRƐ: A ɛrɛ nu a bee dabara ekɛɛrɛ tɛ Leah—sa anaa suā nu a gaa nɛ taāŋa ye nwiī. Lo Leah su tua Nu Esagɛ A, ye tɛ naale suā nu anua a gaa pɔm. Lo a doo wo, naale edoo kɔ tɛ Leah a gbaɛ̄ ye tɔ̄loo, ea naale etɔgɛ kɔ anɛ enwādɛɛ̄ ye tɛ. (Pya Ɛfɛsɔs 6:2) Bu kaka,doo wo ama naale edɔbiī nɛ lɔgɔ nɛɛ.

Dookɛ̄ oo lee lɛɛbaloo kɔ dee ba be a kpaɛ̄ o kiā doo, o dap nage gbī kɛ̄ edoo sa nyɔnɛ o tɛ le o ka kuūnɛ muɛ

Kere sɔ̄ lo eree baɛ Nu Esagɛ B dap bee kɔ awaɛ a, mɛ suānu naale bu. Ena anuā ani? Nyɔnɛbee loe aa baloo ye taāŋa leere, Leah ɛrɛ ekɔ ue nɛ ye tɛ—sa loe yerebah ye nɛ, alu ebɛɛ̄ kɔ a suā nu a gaa sira bu ye dum. Loa ubepiī, a naale edɔ nage lɔgɔ biī ye nɛ.

Kerewo, bu lo eree taa Nu Esagɛ C, Leah naa iye kɔ nu gbanasī ama a ɔbɛ ye lɛɛloo ekɔ ue nɛ ye tɛ. Taāwo, a piiga loe kɔ lo ue dɔɔ̄na sɔ̄. Elo a sagɛ loe ɛm lɛta mā ye tɛ sɔ̄ esaa, e dap ye lee loo.

Ɛm lɛta edap nage ye yerebah nɛ kɔ a kɔ taɛtaɛ nu a gaa bee gbī ekɔ. Sɔ̄ tɛ Leah e buū lo lɛta, esuā nu a gaa bee gbī ekɔ ye nɛ. Lo ama e yerebah ye nɛ kɔ a dā beeloo e’aga kɛ̄tɔɔ̄ ye nwī leere. Lo eree taa Nu Esagɛ C edɔbiī nɛ Leah le ye tɛ. Kere a kɔ ye nɛ sī le sī ale bu lɛta, lo nu esagɛ ama nyɔnɛ zuurabatɔ̄ Baibol a kɔ i “nyɔnɛ nu efɛɛloo.”—Pya Rom 14:19.

Pya amunu dɔɔ̄na nu esagɛ na Leah ebee dap ɛrɛ a?

Naa kɛɛrɛ lo ale o dapge nyɛŋiabu ziī aba sa o ɛm kɛ̄ alu esere kɛɛ̄ ama. Lɛɛ o ɛm nu esira aaloo lo nu esagɛ ama.

 ƆBƐ EKƆ UE ADAP NUA BAƐ BAƐ EKƐƐRƐ

Nyɛŋiabu kɔ, nu o kɔ le nu o tɛ le o ka kɛɛrɛ kɔ o kɔ, naa wee lu aba etɛɛ̄nɛ dɛ̄dɛɛ̄ sɔ̄.

BU EDOBA:

O tɛ le o ka bip a nu anuā abee kɔ bu a biira. O ture kɔ, “Mm gbī ekɔ lɔgɔ nu akiiloo.”

Mɛ nu o tɛ le o ka dā na: “Mm i dɛrɛ nyiɛ nyɔɔ mmɛ kɛ̄ m kɔ na gɔā ue inɛ. M kɔ lo taāŋa nɛ pya na gbo, naale bɔɔlo.”

Naa kɛɛrɛ kɔ o gaa kpesī ziī gbɛnɛ taāŋa sa o tɛ le o ka gbī e yerebah anɛ. Lo ale o kɔ: “Lɛɛ baloo m dap aa baloo lo taāŋa.”

  • What might your parents hear?

  • What might be a better response from you?