Skip to content

Skip to secondary menu

Skip to table of contents

Jehovah’s Witnesses

Khana

O Butɔ Dap Tɔɔ̄ Bu Ɛɛbu

 Ekpokɛ̄ 5

Kɛ̄ E Nyɔnɛ Pya O Mana Mana Sere Efɛɛloo Doo

Kɛ̄ E Nyɔnɛ Pya O Mana Mana Sere Efɛɛloo Doo

“Yaaraa benyiɛ . . . esaɛ̄, le benyiɛ̄ a kumalookɛ̄, efɛɛloo le nyɔɔ̄nyɔɔ̄ egerebu.”—Pya Kɔlɔsi 3:12

Iya dam le wa wee nua aā butɔ̄. Kere adoo o wee wereloo sa nwadɛɛ̄ o tɛ le o ka, o dam ale o wa na nɛɛ aa kuī loo anyawo ee dɛ̄dɛɛ̄ nɛɛ ale bu nyɔuwe a. Lo ama dap aga bah pio pya o mana mana loe su. Mɛ nu Kpa Baibol kɔ dap a yerebah nɛ loe kuūnādɛɛ̄, lokwa o dap nyɔnɛ pya o mana mana tɔɔ̄ bu efɛɛloo, kuma sɔ̄ o gaa piiga loe tɔɔ̄ bu efɛɛloo bu o aā butɔ̄.

 1 KIISĪ LOE ƐMADƐƐ̄ PYA O MANA MANA BU SĪDEE A BƆLOO

NU KPA BAIBOL KƆ: “Nwadɛɛ̄ o tɛ le o ka.” (Pya Ɛfɛsɔs 6:2) Kaɛlɛɛ zua oe lua, alu ebɛɛ̄ kɔ o nɛ enwadɛɛ̄ o tɛ le o ka dɛ̄dɛɛ̄ sɔ̄. Suā nage kɔ o dam ale o wa ɛrɛ tɛ le ka nyɔwo a, ae nwa-wa-dɛɛ̄. “Wereloo naa wiibu,” nyɔwo, oa ɛrɛ bɔɔ loo gbanialoo o dam ale o wa, wa yɔ ɛnia.—1 Pya Kɔrint 13:4; Pya Galatia 5:26.

NU O DAP DOO:

  • Ɔbɛ ekɔ ue ale doodoo, “Pya o bua wee mɛ ɛp kumakɛ̄ dɛdɛɛ̄ sɔ̄” ale “Lɔgɔ nu m doo naa wee nia o ka doo pippip”

  • Piiga loe dā beeloo nu dookɛ̄ o dam ale o wa doo

 2 YIRA AGƐRƐ SƆ̄ A BƆLOO

NU KPA BAIBOL KƆ: “Nɛɛ elɛɛ baloo ye tɛ le ye ka, sa daba loo ye wa sa ba lu aba etɛɛ̄nɛ̄ namloo.” (Jɛnɛsis 2:24) Sɔ̄ oe ira wa ale sɔ̄ oe iya dam, o tɛ le o ka dap kɛɛrɛ kɔ a lege gaa wa kuu loe tɔ̄ nu anɛ, sa ba e gbī nage e suā dɛ̄dɛɛ̄ nu a gaa sira yɛɛ o dam ale o wa le ɔɔ.

Bia bah baɛ bui dam le wa loe kuūnɛ̄ muɛ̄ nyɔɔ kɛ̄ bui sere wa doo, esa bu wereloo bui doo kɔ ba a sua. O dap lere bee kɔ nu aa le nyiɛ̄ sa oo agaba. (Kam 15:1) Kumaloo kɛ̄, fɛgɛ dogo, le egerebu e yerebah inɛ loe ɛrɛ le gbanialoo loo pya bui mana mana, sa bui kiisī loe “nyɔnɛ ziī tɔnia bu wereloo.”—Pya Ɛfɛsɔs 4:2.

NU O DAP DOO:

  • Lo ale kɛ̄ pya ye mana mana yere bee bu o dum doo nɛ a taaŋa, nyɔnɛ o dam ale o wa kɔnia sɔ̄ nyiɛ̄ a esua kɛ̄

  • Gbaaraa kuunɛ̄ muɛ̄ nyɔɔ kɛ̄ bui sere baloo ue ama doo