Skip to content

Skip to secondary menu

Skip to table of contents

Jehovah’s Witnesses

Khana

Life and Ministry Meeting Workbook  |  January 2017

 TƆƆ̄DUM DOODOO PYA NƐƐ KRAIST

Nyɛŋiabu lo Eyere Kara bee Pya Nɛɛ Kraist alu Etɛ̄ŋaloo

Nyɛŋiabu lo Eyere Kara bee Pya Nɛɛ Kraist alu Etɛ̄ŋaloo

Baibol e bee kɔ sere kɛ̄ kɔ Setan etɛ̄ŋa i loo sa gbī e ɔbɛ i tam zue ue. (Jɔn 15:20; Mum 12:17) Bu mɛ sīdee na i dap yerebah nɛ pya i wuga ba lu Nɛɛ Kraist lo ba gaa kpesī tɛ̄ŋaloo bu dɔɔ̄na edo ani? I dap wa yere kara bee. “Bara nɛɛ kaāna dogo ɛrɛ ekpo bu ye tam.”—Jem 5:16.

Ena i dap yere kara kumaloo ani? I dap bara Jɛhova kɔ a nɛ e’agaloo pya i wuga nɛɛdam le nɛɛwa lo e yerebah wa nɛ kɔ ba aa ɛrɛ bɔɔ. (Ais 41:10-13) I dap nage yere kara bee pya a gaa bɛɛ kɔ ba a nɛ i dee lo e zue leyere ue, “lokwa i tɔɔ̄ dum bu efɛɛ beenyiɛ le efɛɛloo.”—1 Tim 2:1, 2.

Sɔ̄ a bee lu etɛ̄ŋaloo Pɔɔl le Pita, pya Nɛɛ Kraist bu tua sɔ̄ o’oo tup zua bee wa yere kara bee sa wa kue bee bu kara. (Doonu 12:5; Rom 15:30, 31) Kere ii suā bee pya a gaa lu etɛ̄ŋaloo anii’ee, i dapge kue bee bɔŋanaloo ba aa, wa edo, ale wa barasī ni?

Ɛm bee edo a gaa lu etɛ̄ŋaloo Pya Nɛɛ Kraist lo o gbī eyere kara bee.