Skip to content

Skip to table of contents

Jehovah’s Witnesses

Select language Khana

 TƆƆ̄DUM DOODOO PYA NƐƐ KRAIST

Kɛ̄ esu Nwīekpo kpa Akura, Gbaɛtɔ̄loo Bari Siātam Doo

Kɛ̄ esu Nwīekpo kpa Akura, Gbaɛtɔ̄loo Bari Siātam Doo

Nwīekpo kpa a kura Gbaɛtɔ̄loo Bari bee lu ekwa lo esu kpog-bee kaka ue a le bu Baibol tɔgɛ pya nɛɛ ba naa aadee para buū nu. Ziī ziī nuenɔ a le nyɔɔ baɛ naɛsī ama aara pya foto alu etɔ̄ le enii a tɔgɛ kɛ̄ a nyɔɔnɛ tɛ̄ ziī doo.

Nwīekpo kpa a kura Gbaɛtɔ̄loo Bari sa Tɔɔ̄dum Ina Deedee ɛrɛ edoba a le bu dookɛ̄ Gbaɛtɔ̄loo Bari ɛrɛ nage doo, mɛ gbɛnɛ-edo nu lu e’ɛm bu sa dap lu esu nɔɛ̄ nu nɛɛ a para buū kpa. Pya zue ue wee aara Gbaɛtɔ̄loo Bari sa Tɔɔ̄dum Ina Deedee sɔ̄ nɛɛ ba gaa nyɔɔnɛ nɔ nu aara Gbaɛtɔ̄loo Bari. Gbɛnɛ-edo naɛsī aara ekpo lo a ɛrɛ dɔɔ̄na yere ue a dap lu ekɔ ue nyɔɔ, dɛɛa nyɔɔ kɛ̄ nɛɛ a gaa nɔ nu dābeeloo nu doo.

O dap nɛ ɛrɛgeba nwīekpo kpa ama ɛrɛgeba sɔ̄, kere a naa lu kpa a gaa lu enɛ bu lo enɔɔ̄. Sɔ̄ o gaa sere enɔānu Baibol, su pya edoba a le bu baātɛ̄ nu alu e’ɛm sere kɛ̄ bu Baibol. Bip ebip lo edoo kɔ nɛɛ o gaa nyɔɔnɛ nɔ nu a kɔ ue le lo edoo kɔ a dābeeloo nu a gaa nɔ. Buū sa kɔnia ue nyɔɔ pya dɔ kpa kaɛ a le kɛɛ̄ ziī ziī naɛsī. Sɔ̄ bui enɔā nwīekpo kpa ama sah, bui nɔaā What Does the Bible Really Teach? ale What Can the Bible Teach Us? lo e yerebah nɛ nɛɛ o gaa nyɔɔnɛ nɔnu kɔ a nyim ina loo liamaā.