Skip to content

Skip to secondary menu

Skip to table of contents

Jehovah’s Witnesses

Khana

Kpa Enɔānu Tɔɔ̄dum Le Tam Zue Ue  |  April 2017

 TƆƆ̄DUM DOODOO PYA NƐƐ KRAIST

Su Baɛ Bah Wa Suā

Su Baɛ Bah Wa Suā

Su baɛ bah suā ba mɛɛ̄? Ɛrɛgeba nɛɛ alu i enɔānu pya Nɛɛ Kraist—aāloo pya aā nɛɛ mmɛ loo pya nama nɛɛ ba naa bee sina enɔānu. (Rom 15:7; Hib 13:2) Dap lu nɛɛ wuga a aa dɔɔ̄na edo ale Nɛɛ Kraist a naa bee sina enɔānu bu gbɛnɛ-edo zua sa a sikɛ̄ lu. Naa kɛɛrɛ kɛ̄ etɔɔ̄ a loo doo sɔ̄ nu a le doo wo sira. Ekɔ bu a naale e ɛɛ lo e kāna wa muɛ̄ ni? (Mat 7:12) Nyɔɔwo ena anua oo piiga kuma kɛ̄ o dap doo lo e kāna muɛ̄ dɛ̄dɛɛ̄ nɛɛ a le bu Tɔ Nɔnu Buɛ̄-mɛnɛ lɛɛ enɔānu gae bɔātɛ̄ le sɔ̄ enɔānu e kpāna ani? Lo ama nyimɛ wereloo a le yɛɛ pya wuga sa su ka nua loo Jɛhova. (Mat 5:16) Bu kaka, naa waɛ e nyɔɔnɛ dɛ̄dɛɛ̄ nɛɛ a le bu enɔānu kɔnia ue. Kerewo, loo dɛ̄dɛɛ̄ nɛɛ esukɛ̄ lo i doo kuma nu i dap doo. *

Kaāna aara saanɛɛ naa lu etɔgɛ aba sɔ̄ i ɛrɛ doonu, doodoo Nyɛŋiabu Loo Luh Jizɔs mɛ elu edoo dɛ̄dɛɛ̄ sɔ̄. Sɔ̄ pya aā nɛɛ muɛ̄ wereloo pya Nɛɛ Kraist alu etɔgɛ wa kumaloo, lu ezu wa kɔ ba a leera Bari sa i gbaaloo bu loga loga taāŋabah.—Jɔn 13:35.

^ bar. 3 Zuurabahtɔ̄ a le bu Baibol kɔ i aa nyɔɔnɛ pya nɛɛ a bee lu ekpo lɛɛ bu bɔŋanaloo ale pya a bee ɛmɛnɛbee obia enɔānu dania lɔgɔ nu.—1 Kɔr 5:11; 2 Jɔn 10.