Skip to content

Skip to secondary menu

Skip to table of contents

Jehovah’s Witnesses

Khana

Life and Ministry Meeting Workbook  |  April 2017

 TƆƆ̄DUM DOODOO PYA NƐƐ KRAIST

Yɔɔ Buɛ̄-mɛnɛ nɛ E’agaloo

Yɔɔ Buɛ̄-mɛnɛ nɛ E’agaloo

Pɔɔl le Silas bee uɛ yɔɔ leera Bari bie tɔ-kpɔgɔrɔ. (Doonu 16:25) Bu ilii sɔ̄ ama , pya i wuga bu yira bee uɛ yɔɔ Buɛ̄-mɛnɛ sɔ̄ ba bee le ba aa li Sachsenhausen kɛ̄ pya bɛbɛɛ Nazi li Germany bee wa aa sere le sɔ̄ a bee lu e kpo wa lɛɛ buɛ̄ sa ba teera kii Siberia. Pya edoba ama tɔgɛ ekpo yɔɔ ɛrɛ lo eyere mɛm loo pya Nɛɛ Kraist ba le bu etɛɛrɛloo.

Sɔ̄ sɔ̄ naa binia, pya dɔɔ̄na muɛ̄ ue gaa le ɛrɛ i aā kpa yɔɔ akura “Sing Out Joyfully” to Jehovah. Sɔ̄ i e ɛrɛ, i dap aa pya ye bee bee ue biea nyiɛ i tɛ̄maloo enɔ lo yɔɔ sɔ̄ i gaa ɛrɛ i enɔānu butɔ. (Ɛfɛs 5:19) Lo sɔ̄, kaɛ edɔɔ̄ gaa le yerebah i nɛ kɔ i nyɛŋia wa bu sɔ̄ i le bu taāŋa. Yɔɔ Buɛ̄-mɛnɛ dap i yerebah nɛ kɔ i bie nyiɛ nyɔɔ i bɛābu. Ba dap i yere mɛm loo sɔ̄ i le bu etɛɛrɛ. E sɔ̄ i le bu ɛɛbu, pya ye bee bee ue a wu yira nɛɛ agɛrɛ ama dap doo kɔ i ‘uɛ yɔɔ bu ɛɛbu’ aāloo i ɛɛbu beenyiɛ. (1 Edoo 15:16; Yɔɔ 33:1-3) Dooraa dɛ̄dɛɛ̄ ii i su i yɔɔ Buɛ̄-mɛnɛ daānu leere!

SI EE VIDIO AKURA YƆƆ A BEE YERE MƐM LOO PYA NƐƐ TAM, LƐƐ BUI AGARA PYA EBIP A NYƆƆNƐ AMA:

  • Pya amunu kɛ̄tɔɔ̄ na a bee doo kɔ Wuga nɛɛdam Frost a uɛ yɔɔ a?

  • Bu mɛ sīdee na lo yɔɔ bee yere mɛm loo pya wuga a bee le tɔ-kpɔgɔrɔ Sachsenhausen ani?

  • Bu pya amunu kɛ̄tɔɔ̄ na yɔɔ Buɛ̄-mɛnɛ a dap yerebah nɛ ziī ziī biradee ani?

  • Pya amuna yɔɔ Buɛ̄-mɛnɛ na o gbī e aa biea bee a ani?