Skip to content

Skip to secondary menu

Skip to table of contents

Jehovah’s Witnesses

Khana

Life and Ministry Meeting Workbook  |  April 2017

 TƆƆ̄DUM DOODOO PYA NƐƐ KRAIST

O dap Yere Mɛm Loo pya a Naa Bee Sina Enɔānu ale Zue ue

O dap Yere Mɛm Loo pya a Naa Bee Sina Enɔānu ale Zue ue

Nyɔɔ Baɛ Deelookaɛ, 11 biradee bu Nia Enɔɔ̄, gbɛnɛ-edo pya Nɛɛ Kraist a naa gaa bee sina enɔānu ale uwe zue ue gaa le si Doonu Nyɛŋiabu loo Luh Jizɔs. Ba bee le gaa teera tee dum, mɛ ziī nu ale lo dɔɔ̄na doo kɔ ba a ɔloo. Pio nu a bee doo kɔ ba a ɔloo lu ekɔ ue nyɔɔ bu nwīekpo kpa akura Obia pii Jɛhova. (Hib 12:1) Kerewo, pya nɛɛ ama lege gaa kuī loo Jɛhova, lo nɛɛ a bee wa yaɛ tɛ̄maloo miī ye Nwiīnɛɛdam. (Doonu 20:28; 1 Pit 1:18, 19) Bu mɛ sīdee na i dap wa yerebah nɛ kɔ ba a obia lu bu bɔŋanaloo ani?

Pya kanɛɛ bu bɔŋanaloo gbī pya Nɛɛ Kraist ba bee ɔloo ama doodoo nɛɛ tɔɔ̄loo naana pee lo a gaa gbī ye naana a bee dag aa yɛɛ ye eku naana pee. (Luk 15:4-7) Lo ama tɔgɛ kɔ Jɛhova kuū i dɛɛ̄loo kaāna. (Jer 23:3, 4) Dɛ̄dɛɛ̄ ii dap wa yere mɛm loo, e naale aba pya kanɛɛ. I epiaga lo e lu fɛgɛ sa kɛɛrɛbu pya i wuga nia Jɛhova sa dɔ gbɛnɛ biī. (Kam 19:17; Doonu 20:35) Nyɔɔwo, kɛɛrɛbu loo nɛɛ o dap yere mɛm loo, sa o doo wo bu nwaa nwaabah!

SI EE VIDIO AKURA YERE MƐM LOO PYA A NAA BEE SINA ENƆĀNU ALE UWE ZUE UE, LƐƐ BUI AGARA PYA EBIP A NYƆƆNƐ AMA:

  • Ena Abbey bee doo sɔ̄ a bee zɔŋia ziī nɛɛ Ekeebee a naa bee suāloo ani?

  • Ena anua i kɔ nɛ pya kanɛɛ lo a le i gaa kɛɛrɛ lo e yerebah nɛ ziī nɛɛ a ɛrɛ e ɔaloo a?

  • Bu mɛ sīdee na Abbey bee kpɛ̄naloo lo e siloo Laura lo eree baɛ sɔ̄ ani?

  • Bu mɛ sīdee na Abbey tɔgɛ kiisī, egerebu, le wereloo sɔ̄ a gaa piiga lo e yere mɛm loo Laura a?

  • Ena i dap nɔ aāloo edoba Jizɔs a le bu kpa Luk 15:8-10 ani?

  • Pya amunu leelee na a sira aabu dɛ̄dɛɛ̄ epiaga a bee lu edoo lo e yerebah nɛ Laura a?