Skip to content

Skip to secondary menu

Skip to table of contents

Jehovah’s Witnesses

Khana

Kpa Enɔānu Tɔɔ̄dum Le Tam Zue Ue  |  Lop le eziī enɔɔ̄ 2017

 TƆƆ̄DUM DOODOO PYA NƐƐ KRAIST

Nyimɛ I Kari Bu Tam Zue Ue​—Tɛ̄maloo E Obia Si Loo Nɛɛ I Bee Zue Ue Nɛ

Nyimɛ I Kari Bu Tam Zue Ue​—Tɛ̄maloo E Obia Si Loo Nɛɛ I Bee Zue Ue Nɛ

NU A NUA ALU EBƐƐ̄: Gbɛnɛ-edo pya nɛɛ ba ɛrɛ nia bu yere ue Buɛ̄-mɛnɛ gaa gbī esuā kaka akiiloo Bari. (Ais 55:⁠6) Lokwa i kiisī lo etɔgɛ wa nu, i ɛrɛ e’obia wa si loo gbɛnɛ-edo sɔ̄. Kɛ̄tɔɔ̄ pya nɛɛ lugara keekee, nyɔɔwo kɛ̄ i wa kɔ ue nɛ doo lokwa ba ɛrɛ taɛ elu nage kee loo ziī. Kerewo, i dap kiisī leere lo i kpɛ̄naloo kaāna sa ɛrɛ nu i seea sī ziī ziī sɔ̄ i obia si, sa sunage nyɔɔnɛ wa nɔ Baibol seea bu nyiɛ i.

KƐ̄ EDOO DOO:

  • Piiga lo enwaabah obia si, gbɛnɛ-edo dee aa tɛɛ̄ loo.​—Mat 13:19

  • Tɔgɛ dogo yii loo nɛɛ sa ɛrɛ enwadɛɛ̄. O aa agabah yeekɛ̄

  • Bɔātɛ̄ tɛ̄maloo le kana muɛ̄. Kure ye kasī ye bee. Nyɛŋia ye bu nu anua o obia lu​—dap lu lo e’agara ebip, su aā magazin ye mā, tɔgɛ ye i dɔ intanɛt, bira ziī vidio ye nɛ, tɔgɛ ye kɛ̄ i wee nɔɛ̄ Baibol nɛɛ doo. Nyaana o ekɔaue lo a gbī esuā dɔɔ̄na nu a lu kee loo nu o bee nɔɔ lo ekɔ ye nɛ.​—Fil 2:4

  • Tɔ̄ maā tɛ̄ kaka ue lo elua efoh ye bu beenyiɛ tɛ̄maloo enyɔɔnɛ ye kɔnia ziī kaka ue a aabu Kpa Kaɛ sa ye nɛ ziī i kpa. (1 Kɔr 3:6) Piiga lo elu ye gbo

  • Kwa kɛ̄ sɛɛ dɔɔ̄na obia si