NU A NUA ALU EBƐƐ̄: Zekaria bee kɔ sere kɛ̄ kɔ pya nɛɛ a kɔ keekee muɛ̄ ue a aa dɛ̄dɛɛ̄ edonyɔɔ gaa le gbaɛ̄tɔ̄loo lo le yereue. (Zek 8:23) Mɛ ba mɛɛ̄ na etɔgɛ wa nu a? (Rom 10:13-15) Alu toh a i le bee le dee a i kpaā nɛ lo ezue le yereue nɛ dɛ̄dɛɛ̄ nɛɛ a le i kɛ̄ zue ue.​—od 84 ¶10-11.

KƐ̄ EDOO DOO:

  • Kpɛ̄naloo. O wee muɛ̄ge pya nɛɛ a kɔ dɔɔ̄na muɛ̄ ue ni? O dap su JW Language app nɔā kɛ̄ ekɔ ue nɛ pya a kɔ dɔɔ̄na muɛ̄ ue doo. Ale o dap su o fon tɔŋɛ pya nɛɛ kɛ̄ ba dap gbī nu bu wa muɛ̄ ue aā i dɔ intanɛt jw.org doo

  • Lɔgɔ nɛɛ aa a tɛɛ̄ yee. Lo o gaa zue ue aa ziī tɔ yii ziī, o aa ɛp tɛrɛ dee a a kpaā nɛ lo ezue ue nɛ pya a gaa tɛɛ̄ le pya nɛɛ a gaa yira baɛ fah. Lo o gaa zue ue kɛ̄ pya nɛɛ mma, sere ekɛɛrɛ nyɔɔ zue ue nɛ dɛ̄dɛɛ̄ nɛɛ

  • Piiga lo e’ina loo pya oo bee muɛ̄ tɔ. Piiga lo e obia ina loo pya nɛɛ a naa bee le tɔ. Piiga lo ekɔ ue nɛ ɛrɛgeba nɛɛ o muɛ̄ dɛ̄dɛɛ̄ tɔ, dap lu dɔɔ̄na sɔ̄ bu lo biradee ale dɔɔ̄na biradee bu lo kaɛ. I dap ina loo pio tɛ ɛrɛ tɔ tɛ̄maloo ɛm lɛta, kue wa nyɔɔ fon, ale zue ue wa nɛ bie nyɔɔ ebadee

  • Obia si loo pya a bee tɔgɛ nia. O aa doo kɔ gbɛnɛ-edo dee a tɛɛ̄ loo sɔ̄ o obia si loo pya a bee tɔgɛ nia. Lo a le lo nɛɛ kɔ dɔɔ̄na muɛ̄ ue, gbī nɛɛ a nyim tura a dā lo muɛ̄ ue kɔ a yerebah ye nɛ. Kiisī lo ewee si loo lo nɛɛ mmɛ sɔ̄ o muɛ̄ nɛɛ zue ue a kɔ ye muɛ̄ ue.​—od 94 ¶39-40

SI EE VIDIO A KURA ZUE UE “MMƐ KUMA NYƆUWE,” LƐƐ BUI AGARA PYA EBIP A NYƆƆNƐ AMA:

  • Pya wuga nɛɛdam le nɛɛwa ama bee kpɛ̄naloo doodoo wa lo ezue ue nɛ pya nɛɛ a le wa kɛ̄ zue ue a binia ni? (1 Kɔr 9:​22, 23)

  • Pio e a bee wa gbanasī na ba bee be eeba a?

  • Pya amunu leelee na ba bee ɛrɛ a?

  • E na o dap doo lo e ina loo pya nɛɛ a le o kɛ̄ zue ue ani?