Skip to content

Skip to secondary menu

Skip to table of contents

Jehovah’s Witnesses

Khana

Kpa Enɔānu Tɔɔ̄dum Le Tam Zue Ue  |  October 2017

 TƆƆ̄DUM DOODOO PYA NƐƐ KRAIST

Kɛ̄ E Doodoo Lu Nɛɛ A Nɔ Kpa Kaɛ Kaāna

Kɛ̄ E Doodoo Lu Nɛɛ A Nɔ Kpa Kaɛ Kaāna

Eniage a elu nɛɛ a bɔloo eture nyiɛ loo sɔ̄ o kpesī etɛɛrɛloo dookɛ̄ Daniel bee doo ni? Daniel bee nɔ Muɛ̄ Ue Bari kaāna, gbaā nage loo pya ue mɔmanudɛɛ̄ a aga edābeeloo. (Dan 9:2) Nɔ Baibol kaāna eyerebah a nɛ kɔ o lu nɛɛ a bɔloo eture nyiɛ loo. Bu mɛ sīdee? A dap nyimɛ o yira bu pya yii Jɛhova kɔ a gaa le dooa. (Josh 23:14) A dap nage a yerebah nɛ kɔ o nyimɛ wereloo o ɛrɛ loo Bari yereloo, lo ezū a kɔ o doo nu a lee. (Yɔɔ 97:10) Mɛ o bɔātɛ̄ doodoo wa ni? Ɛp pya edoba ama:

  • E na m nɔ a? Nɔ nu eree sɔ̄ loo lu yii bu dasī nɔ nu elu enɔ bu enɔānu bu bɔŋanaloo. Buū dɔ Baibol a le nɛ ziī ziī kaɛ gaa le dɔ gbɛnɛ biī a nɛ lo a le o dasī gbītɛ̄ nu nyɔɔ pya nu oo dābeeloo. Gbaāloo wo, pio nɛɛ ebiarafii lo enɔ nu akiiloo mɔmanudɛɛ̄ Baibol, pya eyuu edɔɔ̄ Bari, zue ue nɛɛ-lɛɛratam Pɔɔl aā ziī edo yii ziī, ale pya dɛmnu Jɛhova i mɔma dɛɛ̄. Lo a ɛrɛ ebip a le bu Baibol o kɛɛrɛbu loo, ɛm sere kɛ̄ sa o su nua ekobee ue o nɔ nu nyɔɔ dɔɔ̄na sɔ̄.

  • Mɛ kɛ̄ na m dap gbī yere ue aā a? Lokwa o muɛ̄ pio nu o doo, si ee vidio akura Pya Nu Esu Gbiātɛ̄ Ue A Le Bu Baibol. Lo e muɛ̄ kɛ̄ o gaa dābeeloo nu doo, gbītɛ̄ nu pya ekpo bɛbɛɛ nyɔuwe alu etɔgɛ tɛ̄maloo pya nam kuɛ a le bu kpa Daniel 7 ekobee a, tɔɔ̄dɔ.

  • Kuma mɛ sɔ̄ na m su nɔā nu ani? Nɔ nu eree sɔ̄ loo na edoo kɔ nɛɛ a kiisī leere bu edɔɔ̄ a. O dap bɔātɛ̄ tɛ̄maloo edoo kɔ o sɔ̄ enɔānu a kpuria, lo o gbī doo wo lo, sa kina kina o wee yere loo. Nɔnɔ Muɛ̄ Ue Bari le doodoo gbī zɔ a gɔā; kɛ̄ o muɛ̄ pya lo zɔ doo, kɛ̄ e taɛ nage a e wee gbī pya lo dɔɔ̄na doolo! (Kam 2:3-6) Wereloo o ɛrɛ loo Muɛ̄ Ue Bari gaa le nyim yiiloo, e o gaa le kiisī lo enɔ Baibol dɛ̄dɛɛ̄ dee.​—1 Pit 2:2.

E NA NAM KUƐ A LE BU KPA DANIEL 7 EKOBEE TƆƆ̄DƆ ANI?

  • Dan 7:4

  • Dan 7:5

  • Dan 7:6

  • Dan 7:7

DƆƆ̄NA EBIP:

Bu mɛ sīdee na ue a le bu Daniel 7:8, 24 bee dooa gbɔmɛɛ̄ ani?

DƆƆ̄NA NU ENƆNU NYƆƆ:

E na nam kuɛ a le bu kpa Mumuuna 13 tɔɔ̄dɔ ani?