Skip to content

Skip to secondary menu

Skip to table of contents

Jehovah’s Witnesses

Khana

Life and Ministry Meeting Workbook  |  October 2016

 TƆƆ̄DUM DOODOO PYA NƐƐ KRAIST

O Gaa Suge Kere Kpa A Tɔgɛ I Dɔ Intanɛt JW.ORG Daā Nu Leere Ni?

O Gaa Suge Kere Kpa A Tɔgɛ I Dɔ Intanɛt JW.ORG Daā Nu Leere Ni?

Nyɔnɛbee gbɛnɛ etɛɛrɛloo ewara loo kɛ̄, i tam zue ue lu gbaragbara. (Kam 24:11, 12, 20) Loe yerebah nɛ pya nɛɛ, i dap su lo kere kpa daā kɔ ba a kɛɛrɛ nu akiiloo Muɛ̄ Ue Bari le i dɔ intanɛt. Lo kere kpa ɛrɛ code edoo kɔ ba a dap si ee vidio akura Ena Anua I Nɔ̄ Kpa Baibol ani? sa edoo kɔ ba a ɛrɛ pio ue yere loo ale bara kɔ alu e nyɔɔnɛ wa nɔ Baibol. Pio nɛɛ naa gbī esu i kpa, mɛ ba gbī esi i dɔ intanɛt. Oa lɛɛ baloo enɛ wa lo kere kpa. Kerewo, oa nɛ kere kpa ama nɛɛ anaa tɔgɛ niā.

Sɔ̄ o gaa si kiā ziī ziī bira dee, o dap kɔ ue edoo kɔ nɛɛ a ɛrɛ niā tɛ̄maloo ekɔ: “M ɛrɛ ziī nu eniā mɛ enɛ a. Kere kpa ama etɔgɛ a ziī dɔ intanɛt loa ɛrɛ yere ue le vidio nyɔɔ keekee ekobee ue, oo lee kpɛ lɔgɔ nu loo.” (Jɔn 4:7) Nyɔnɛbee kere kpa ama tera a, o dap aara pio aba dɛ̄dɛɛ̄ sɔ̄ loe nɛ pya nɛɛ.