Skip to content

Skip to secondary menu

Skip to table of contents

Jehovah’s Witnesses

Khana

Life and Ministry Meeting Workbook  |  June 2017

 TƆƆ̄DUM DOODOO PYA NƐƐ KRAIST

O Yira Bu Pya Yii Jɛhova Agaloo Doodoo Wa Ni?

O Yira Bu Pya Yii Jɛhova Agaloo Doodoo Wa Ni?

Joshua le Solomɔn bee gbaa kɔ lɔgɔ ziī bee ue a le yɛɛ yii Jɛhova naa bee lɔ. (Josh 23:14; 1 Mɛnɛ 8:56) Kpɛa akiiloo baɛ ekeebee ama lu kaka sa doo kɔ i yira a agaloo.​—⁠2 Kɔr 13:1; Tait 1:⁠2.

Bu mɛ sīdee na Jɛhova bee doo gbɔmɛɛ̄ pya ye yii bu dee Joshua ani? Nyɔɔnɛ pya o butɔ si ee bii si ee akura Lɔgɔ Ziī Bee Ue Naa Lɔ.’ Lɛɛ bui agara pya ebip ama: (1) Bu mɛ sīdee na olo dap nɔ yira Rehab ani? (Hib 11:31; Jem 2:​24-26) (2) Bu mɛ sīdee na edoba Ekan tɔgɛ kɔ pɔrɔ nu wee sira aabu ɛmɛnɛbee lɛɛbeekɛɛ̄ ani? (3) Kere pya nɛɛ Gibeon bee para be be, ena anua ba dag Joshua sa nyɔɔnɛ pya Izrɛl sere efɛɛloo ani? (4) Bu mɛ sīdee na ue Jɛhova bee dooa gbɔmɛɛ̄ sɔ̄ o’oo pya mɛnɛ-buɛ̄ Amɔn bee aakɛ̄ lo edoo Izrɛl ani? (Josh 10:​5-14) (5) Bu mɛ sīdee na Jɛhova a yerebah nɛ sɔ̄ o su ye Buɛ̄-mɛnɛ le ye kaāna dogo nua tuatua bu o dum ani?—Mat 6:⁠33.

Kuma sɔ̄ i gaa ɛrɛ ekɛɛrɛ nyɔɔ dɛ̄dɛɛ̄ nu Jɛhova edoora, nu a gaa doo, le nu edoo, yira i ɛrɛ bu ye yii enyim sa agaloo.—Rom 8:​31, 32.

O ɛrɛge yira doodoo Joshua ni?