Skip to content

Skip to secondary menu

Skip to table of contents

Jehovah’s Witnesses

Khana

Life and Ministry Meeting Workbook  |  June 2017

 TƆƆ̄DUM DOODOO PYA NƐƐ KRAIST

Aabaloo Pya Daakuu Jɛhova Nyɔɔ Dogo A Ɛɛ Agɛrɛ

Aabaloo Pya Daakuu Jɛhova Nyɔɔ Dogo A Ɛɛ Agɛrɛ

Jɛhova sere daakuu nɛ pya miɔŋɔ nɛɛ nyɔɔ dogo a ɛɛ. Bu edoba, a nɛ lok kɔ iya dam le wa alu biakɛ̄ nɔɔnu a le yɛɛ ziī nɛɛdam le ziī nɛɛwa. (Mat 19:​4-6, 9) A baaloo dɛ̄dɛɛ̄ sīdee kunagā. (1 Kɔr 6:​9, 10) A nɛ nage i zuurabahtɔ̄ nyɔɔ yaanu le kwaaloo lo a sere pya ye nɛɛ nua kee.—Deut 22:5; 1 Tim 2:​9, 10.

Bu nyɔuwe anii’ee, gbɛnɛ-edo nɛɛ kiī zuurabahtɔ̄ Jɛhova. (Rom 1:​18-32) Ba lɛɛbaloo kɔ kɛ̄ pya nɛɛ doo nu doo a ɛrɛ pah nyɔɔ wa yaanu, kwaaloo, le wa dogo. Gbɛnɛ-edo nɛɛ su wa pɔrɔ elap dogo seāloo sa gbɛ pya a naa doo nu dookɛ̄ alaba doo.—1 Pit 4:​3, 4.

Doodoo Pya Ekeebee Jɛhova, i ɛrɛ esu e’agaloo seā pya daakuu Bari a ɛɛ. (Rom 12:⁠9) Bu mɛ sīdee? Bu nwaɛ̄dɛɛ̄, i ɛrɛ edoo kɔ pya nɛɛ a suā nu a ye nia. Mɛ a lunage ebɛɛ̄ kɔ i aa biibaloo kaāna daakuu bu ilii sīdee tɔɔ̄dum. Bu edoba, sɔ̄ i gaa sagɛ nu i yaa le kɛ̄ i kwaaloo doo, i dap bip aba ii kɔ: ‘Ekɔ pya nu m sagɛ gbaage loo daakuu Jɛhova sɛh lo nyɔuwe ni? Ekɔ kɛ̄ m yaanu sa kwaaloo doo tɔgɛ ge kɔ mm Nɛɛ Kraist a ɛrɛ bɔɔ loo Bari ni?’ Ale sɔ̄ i sagɛ nu e si ee ale film, i dap bip aba ii kɔ: ‘Ekɔ nu si ee ama e niage Jɛhova ni? Daakuu mɛɛ̄ na nu si ee ama nyimɛ ani? Ekɔ nu m sagɛ lo e si ee ɔɛloo na tɔɔ̄ ɛɛ ni? (Yɔɔ 101:⁠3) Ekɔ elu dɛm kum tɔloo dɔ nɛ pya na butɔ ale pya dɔɔ̄na nɛɛ ni?’—1 Kɔr 10:​31-33.

E na anua a lu ebɛɛ̄ lo e aabaloo daakuu Jɛhova a ɛɛ ani? Sɔ̄ sɔ̄ naa binia Jizɔs Kraist gaa le gbeesī dɛ̄dɛɛ̄ edonyɔɔ le wa bag dogo. (Ezek 9:​4-7) Aba pya a doo nu Bari gbī na ba ebia a. (1 Jɔn 2:​15-17) Nyɔɔwo, dooraa i tɔgɛ kɔ daakuu Jɛhova nyɔɔ dogo a ɛɛ lee lokwa pya nɛɛ a muɛ̄ i ledogo dap nɛ ka Bari.—1 Pit 2:​11, 12.

E na na sīdee yaanu le kwaaloo kɔ akiiloo na dogo ani?

SI EE VIDIO AKURA YII GBO JƐHOVA—ZIĪ NƐƐDAM, ZIĪ NƐƐWA, LƐƐ BUI AGARA PYA EBIP A NYƆƆNƐ AMA:

  • E na anua a lu nu suānu le loo lo etɔɔ̄ dum tɛ̄maloo daakuu Jɛhova ani?

  • E na anua pya tɛ le ka ebɔātɛ̄ etɔgɛ daakuu Jɛhova a ɛɛ pya wa miɔŋɔ aā sɔ̄ ba le etera ani?

  • Bu mɛ sīdee na pya zege le pya nama nɛɛ dap yerebah nɛ pya dɔɔ̄na kɔ ba a ɛrɛ biī aāloo ledogo Bari ani?