Skip to content

Skip to secondary menu

Skip to table of contents

Jehovah’s Witnesses

Khana

Kpa Enɔānu Tɔɔ̄dum Le Tam Zue Ue  |  June 2017

 TƆƆ̄DUM DOODOO PYA NƐƐ KRAIST

Gbī Ɛɛbu Muɛ̄ Bu Zue Le Yereue

Gbī Ɛɛbu Muɛ̄ Bu Zue Le Yereue

E bee a aga ge bah lo ezue ue ni? Gbɛnɛ-edo ii e agara ebip ama doo aiī. Ena anua a? Naa daba i kpesī gbanasī ale kɔ gbɛ bu i kɛ̄ zue ue ale bɔɔ aa i lo ekɔ ue nɛ pya saanɛɛ. Bu kaka, pya nu ama dap doo kɔ i aa ɛrɛ ɛɛbu. Kerewo, i taāŋabah Bari ɛɛbu lo a gbī kɔ i sitam ye nɛ bu ɛɛbu. (Yɔɔ 100:2; 1 Tim 1:11) Taa e na anua sa i ɛrɛ ɛɛbu bu ezue ue ani?

Tuatua, i zue yereue bɛābu. Kere adoo bɛābu epea aabu nyɔuwe anii’ee, i dap su “le yereue loo lenu” nua loo pya nɛɛ.” (Ais 52:⁠7) Mɛ le yereue akiiloo Buɛ̄-mɛnɛ Bari dap nage i nɛ ɛɛbu. Lɛɛ o gae kii ee wee zue ue, dasī ɛrɛ ekɛɛrɛ nyɔɔ pya leelee Buɛ̄-mɛnɛ Bari gaa le nua a kɛnɛkɛ̄.

Eree baɛ, le yereue i zue dɔbiī nɛ pya nɛɛ bu namloo le bu edɔɔ̄. Ba nɔ elɛɛbaloo pya dogo a bee piya sa ɛmadɛɛ̄ lo e ɛrɛ dum a naa tah. (Ais 48:​17, 18; Rom 1:16) I dap muɛ̄ i loo i gaa sitam gbī pya nɛɛ sa wa agara. Kere pio nɛɛ naa gbī kɔ alu e agarae wa, i kiisī lo egbī pya ba gbī agara.—Mat 10:​11-14.

Eree taa, le lo a kuī eera, i tam zue ue nɛ ka Jɛhova. I tam zue ue kuī ye loo. (Ais 43:10; Hib 6:10) Dɔɔ̄na, bu yaari bah a nɛ i ye kaɛ edɔɔ̄ lo esiā lo tam leere. Nyɔɔwo, bara ɛɛbu aāba Jɛhova, lo a lu ziī eyuu ye kaɛ edɔɔ̄. (Gal 5:22) Tɛ̄maloo ye yerebah, i dap be eeba i bɔɔ sa su e’agaloo zuema ue. (Doonu 4:31) Lo sɔ̄, kaɛlɛɛ kɛ̄ pya nɛɛ a le i kɛ̄ zue ue su i ue doo, i gaa le gbī ɛɛbu muɛ̄ bu tam a bee lu enɛ i lo ezue ue.—Ezek 3:⁠3.

Amunu dogo na o ɛrɛ sɔ̄ o le uwe zue ue ani? O dap tɔgɛ o ɛɛbu doodoo wa ni?

SI EE VIDIO AKURA SIKƐ̄ ƐRƐ ƐƐBU TƐ̄MALOO NƆNU LE ƐRƐ EKƐƐRƐ NYƆƆ, LƐƐ BUI AGARA PYA EBIP A NYƆƆNƐ AMA:

  • E na anua i su nɔnu nyɔɔ i loo nua tuatua, kere i gaa su gbɛnɛ-edo awa zuema ue bu ziī ziī enɔɔ̄ ani?

  • Bu mɛ̄ sīdee na i dap nɔ Meri ani?

  • Mɛ̄ sɔ̄ na olo wee ɛrɛ ekɛɛrɛ nyɔɔ Muɛ̄ Ue Bari ani?

  • E na a wee a nɛ ɛɛbu sɔ̄ o gaa zue le yereue ani?